تفسير احلام الثلاثاء 18/2/2014 باذن الله

الحلم رقم ( 1 )
الحلم ده بنتى عمتى حلمته لاخويا الله يرحمه ... بنت عمتى متجوزة
حلمت ان احمد وماما نايمين على سرير واحد بس بالعكس ماما طالعه من عمليه شيل الطحال بس كويسه بس احمد اللى كان تعبان مش عمليه لا هو تعبان بحاجه تانيه انا رحت قعدت جنبه وكان هو فى غيبوبه حطيت ايدى على وشه وقعدت املس عليها لحد ماصحى ومسك ايدى وباسها وقالى انا عرفت انتى بتحبينى قد ايه وقام معايا وسند على كتفى وقعدت امشيه ... بس

2
الحلم ده لماما 
حلمت ان بابا جايب بنت صغيرة اموررة جدا البيت وبيقول لماما انها يتيمة وانه هيخليها عندنا وماما اتضايقت وقالتله لا البنت دي تمشي يأما انا اللي همشي فبابا سكت كأنه بيقولها عايزة تمشي امشي بعدين قالها اصل انا بحب اعمل خير انما انتي لا وماما حست في الحلم ان الخير اللي بيجيلنا في حياتنا بيكون سببه الخير اللي بابا بيعمله بعدين ماما فضلت تعيط عشان بابا مقالهاش متمشيش وكمان بابا فضل يعيط علي عياط ماما 
وخلص الحلم علي كدة

حلم رقم 3


حلمت يا ماما نجية كاني فى محل كبير وكانت هناك بلوزة  شتوي روز عجباني ولكني  اخدت جاكيت جينز جميل وفعلا قسته بس كان واسع عليا وبعدين لاقيت واحدة كانها صاحبتي قالتلي على عباية سوداء انها حلوة واي و فعلا كانت حلوة جدا و كانت اسود فى ابيض بس هي قالتلي سعرها 6000ج  لكن انا بصيت فى السعر عليها لاقيته 325 جنيه

الحلم رقم4
حلمت اللهم اجعله خير ان انا بلبس بنطلون اسود اللى بيبقى  رجله واسعه وبلوزه زرقه الطقم ده عند اختى فعلا بس صيفى وانا عمرى ما لبسته انا بقى حلمت ان انا لبسته وكان معى صندل ابيض وفيه ازرق بس كان جميل وكان معى واحده فى الحلم بس انا  مش فاكره هى مين بعدين رحت انا قلت انا مش هفرجهلها اللى هو الصندل علشان مش تقولى انا عايزه استلفه منك وخلص الحلم بس انا كنت خلاص ريحه البسهم يعنى حضرتهم وكنت هلبسهم علشان خارجه 
انا انسه لا اعمل حلم عادى

رؤيا ٦
حلمت اني داخل الطائرة وكانها ستنزل وانظر للاسفل ونزلت لفندق ليس بالمطار وانا استغربت ودخلت الفندق وكنت سعيدة ثم انا كنت مع امي وابي لكنهم لايتكلمون مع بعضهم وانا امشي داخل الفندق مع امي وكاني اطلب من مطعم داخل فندق واشتريت عصير شوكولاته واكلات.

الحلم رقم7 وهو لواحده صاحبتىانا متزوجة عندي 38سنة و عندي ولد و بنت وبحالة جيدة مع جوزي وولادي والحالة الدينية الحمدالله الى حد جيد ملتزمة

كنت في الامارات من سنتين مع جوزي وقعدت هناك 3 سنين ورجعت انا وولادي ودلوقتي اخر السنة الدراسية هسافر الامارات تاني
امبارح صليت العشا وقرأت قرآن و نمت على وضوء .. حلمت اني سافرت الامارات و جوزي بيفرجني على البيت اللي جابو .. كان ع البحر
وكانت فيلا .. مسكونة دوري اول والدور التاني لينا .. فا انا قولتلو بأستغراب فيلا ؟! على اساس انها بتبقى غالية .. بعدين رد وقال انها مناسبة
عشان مساحتها من كبيرة اوي .. وانا واقفة على البحر بليل بتفرج عليها كان البحر هادي قولت لجوزي انت عارف ان انا بخاف من البحر بليل من صوتو .. وبعدين قالي متخافيش تعالي نتفرج عليه من جوا .. قبل ما اروح معاه لقيت حيوان في البحر قريب جدا من الشط مكانش واضح بس شبه الجاموسة .. مشيت ودخلت معاه لقيت ممر كأنه بيت صغير جدا مش فيلا لقيت دورين و سلم قدامي قولتلو لا انا خايفة ادخل والنور كان خافت .. المهم خرجنا منه بعيد عن البيت .. بصيت على البيت من بعيد و قولت هو جميل ولونه ابيض منور .. بس بردو انا خايفة .. وصحيت من النوم على كدة

الحلم رقم 8
بابا شاف فى المنام كأن شيخ قاعد امام ميكروفون وبيقرأ هذه الايات من سورة الاحزاب ( يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا * وَسَبِّحُوهُ بُكْرَةً وَأَصِيلا * هُوَ الَّذِي يُصَلِّي عَلَيْكُمْ وَمَلائِكَتُهُ لِيُخْرِجَكُمْ مِنَ الظُّلُمَاتِ إِلَى النُّورِ وَكَانَ بِالْمُؤْمِنِينَ رَحِيمًا * تَحِيَّتُهُمْ يَوْمَ يَلْقَوْنَهُ سَلامٌ وَأَعَدَّ لَهُمْ أَجْرًا كَرِيمًا ) وبجواره 3 شيوخ امامهم ميكروفون يرددون معه واستيقظ وهو يرددها فى سره .
وقبلها بأيام استيقظ من نومه وعى لسانه هذه الاية يرددها ( وللاخرة أكبر درجات وأكبر تفضيلا ) الاسراء