تفسير احلام الاثنين24\3\2014 باذن الله

حلم رقم 2
ماما انا جوزى حلم ان هو راح عند بيت جدته و كان واقف قدام البيت مع صحابه بعدين واحد قريب جدته خرج من بلكونه البيت هو دور ارضى بعدين قعد يقول حد يجيب دكتور علشان جدته بتتوفى بعدين جوزى دخل من البلكونه علشان يشوف جدته لقاها بتتوفى بعدين حضنها و قلها متمشيش بعدين هى كانت حاسه بيه و اتوفت و هى فى حضنه

جوزى متوسط التدين عندنا ولد عنده 4 شهور وجده جوزى متوفيه من و هو فى ثانوى

الحلم رقم 4
ازيك يا ماما اولا بابا متوفى تانيا حلمت اللهم اجعله خير ان انا فى الحلم مشفتش بابا بس انا فى مخى ان هو قالى تعالى عندى فهو زى ميكون هعدى الشطى التانى فانا ركبت حاجه زى بساط او قارب صغير بس غالبا هو بساط وكان معى واحد بس مش غارفه ده اخوى ولا لا فلاول معرفناش نعدى لان القارب صغير وبعدين قلت مش مشكله نعدى ومكنتش مضايقه ان انا مش هعدى واروح لبابا وبعدين راح الشخص ده قال لاء يلا نعدى وركبنا البساط ده وكان ماشى على بحر ولما ركبناه انا كنت عايزه اقدف علشان يمشى لكنه كان بيمشى من غير ما اعمل حاجه وبعدين راح الشخص ده قدف جامد راح البساط عدى وانا فعلا حسيت من جوايا ان انا انتقلت بس مشفتش نفسى انا رحت فين وبعدين حسيت ان احنا فى مثلث برمودا وبعدين شفت تانى ان انا فى بيتنا وكان قاعد عندنا مرات خالى اسمها امال ومرات عمى حماده بس كانت مرات عمى قاعده عندنا بشعرها وبعدين شفت بنت عمتى عندنا برده اسمها هاجر بس هما مكنوش بيعملوا حاجه ولا كان معى معاهم احداث انا شفتهم عندنا وبعدين جت واحده اسمها هند البنت ده مش عارفها فى الحقيقه اخدت منى نضاره وخرزانه فبعدين لبست النضاره بتاعتى فانا قلت لها ايه ده النضاره مش واضحه خالص فى وشك يعنى تلبسيها عادى الناس مش هتلاحظ انك لابسه نضاره وبعدين قلتلها خدى بالك من النضاره علشان هى بتاعتى وبعدين شفت واحد ضخم جسمه طول بعرض راح قاعد جمبى ولازق شويه راحت اختى زعقتله راح بعد ومشى وخلص الحلم انا انسه غير موظفه ومقدمه على وظيفه بس الله اعلم هتيجى ولا لاء بس يا ماما الغريب ان انا بعد ما صحيت من النوم رحت علشان اقدم فى الوظيفه قابلت هناك واحده اسمها هند وتقريبا كانت شكل البنت اللى فى الحلم وفضلت ماشيه معانا بس محصلش اى حاجه فى الحقيقه وكلمنا معاها كان قليل ومخدتش منى حاجه غير رقم تليفون اختى بس وللعلم يا ماما انا فى الحلم مشفتش بابا ولا رحت عنده  والدى فى الحقيقه متوفى من قريب

الحلم رقم 12
انا حلمت ان الشخص الي انا بحبة جيب جزمة جديدة وشكلها حلوة انا قولتة هاتها عشان انظفة ليك وانا فين اخدها منة عشان انظفة وعشان اجبية وحدة زيها هي لونها اسود في بيش وانا في دماغي ان انا اروح اشتري لي واحدة هدية لي وكنت باخد مقاسها عشان لما اجبيب لي وحدة هدية ولقيت مقاسها 39 وانا عملتها بي لامعة الجزم  بس في الحقيقة احنا النهاردة حصلت مشكلة كبيرة اوووووي مابين بعض

صحبتي حلمت بيا اني اتنقبت 
انا زوجه و ام و حامل و صحبتي برضه حامل