تفسير احلام الاثنين 17\2\2014 باذن الله

الحلم رقم 2
حلمت اني بشتغل عند واحدة ست طيبة انا وبنات كتير ولابسة بلوزة بيضا وجيبة سودا وحلمت اني بنضف للست دي الشيش وبكنس لها البلكونة وانا بكنسها اتدحرجت وكنت حقع في الشارع لكن في بنت من اللي بيشتغلو معايا انقذتني ورجعتني مكاني وكملت كنس والست دي كانت فاتحة اتيليه وكان عندها فساتين شيك اوي وتنا عاجبني غفستانين واحد ابيض وواحد اسود بس بقيت بصالهم ومحتارة اخد مين فيهم واجيب تمنهم منين لان سعرتم غالي عليا

الحلم رقم ( 4 )
الحلم ده بنت عمتى حلمته لاخويا الله يرحمه وبابا الله يرحمه حكتبه زى ماهى قالته
كان عندى امتحان انجليزى و كان في تعربف مش عارفه احفظه خااالص و كنت مضايقه جدا عندى امتحان و مش ذاكرت و قعدت اقول لأحمد هحل ازاى ..المهم هو ابتسم كده ابتسامه خفيفه كان شكله حلو بس تحسى انه مهموم كده فيه حاجه فالمهم هو ساعدنى احفظه وذاكره و حللى مسأله و دخلت الامتحان و غششنى كمان مع إنه بيكره الغش جدا ومكنش لا بيغش ولا يغشش حد ...

وحلمت بخالو انه كان قاعد وسط ناس كده و كان منشكح اوى و مبسوط و عنده دقن بيضه كده زى الدقن اللى كان بيسيبها قبل العيد قبل ما يدبح قبل ما يحلق دقنه قبل الدبح ؟ هو كان الشكل ده وقعدت
اهزر جامد معاه ونلعب سوا وهو فرحان انه بيهزر معايا

حلم رقم 4

ازيك يا ماما نجية حلمت ببرص صغير تقريبا 2 منهم وثعبان اخضر وصحيت وانا خايفة منهم

5

حلمت خير يارب انى كنت بدور ع الكاميرا بتاعتى فكنت اروح افتح خزنات كده عشان ادور عليها وكنت كل خزنة افتحها من غير مفاتيح ولا رقم سرى كده يدوب والله كنت احسس بايدى كده الاقيها اتفحت وبعدين لقيت ايدى كده جت على حاجة فببص لقيت كاميرتى كانت جنبى ومش فى اى خزنة فخدتها فعلا بقا عشان اصور بيها وكنت فى تجمع كبير فيه كل زمايلنا وقعدت اصور صور كتير وبعدين من ضمن الصور لقيت واحد زميلى جاى يورينى صورة طلعت ليا من ضمن الصور كنت لابسة فيها فستان زفاف ابيض وكان شعرى اسود وطويل وحلو اوى وكنت لابسة تاج على راسى وكنت حاطة كحل تقققيل فى عينيا ولقيت زميلى ده بيقوللى والله شكلك حلو اوى فى الصورة يا ايناس فقعجت ابص لنفسى كده واقول الله غريبة فعلا ده شكلى تحفة اووووى واحلى من الحقيقة اوى فى الصورة دى بس كده

الحلم رقم 7 اختى متزوجه وعندها ثلاث اطفال تصلى وتتقى الله حلمت ان اخت زوجها هى ارمله وعندها خمس اطفال ولدين وثلاثه توائم 
اختى شفتها انها لبسه بنطلون وبلوزه ومسيبه شعرها وبتتعايق واختى شفتها وزعلت عشنها وقالت لها ازى تعملى كده وبعدها اختى طلعت البيت شفتها بدخل اولادها التوائم الحمام وراحت اختى تشتكى لاخت زوجها الثانيه وبعدها اثنان شباب دخلو الشقه بتاعت حماه اختى وزوجها كان بيشترى شى من الشارع ولما رجع زوج اختى كانت اخته لبست عبايه سمراء وبتعيط وادت اختى 200 جنيه فى اديها وقالت هما الا اتبقو شوفى هتعيشى ابويه بيهم ازى والشباب خدو شى من الشقه بس اختى من عرفه اه هو واختى فوق مكان عالى والفلوس مرميه على الارض وقالت لبنت لمى الفلوس هى متعرفش من هى البنت وبعدها نزلت على سلم معمول من الحبال ولزم النزول عليه يكون بسرعه