تفسير احلام السبت الموافق 18 من يناير 2014

الحلم رقم ( 1 )
حلمت خير اللهم اجعله خير إن حمايا طلب من أخو جوزى إنه يتجوز علي مراته واحده تانيه قريبتهم وهو اصلا في المنام او في الحقيقة عريس جديد .... وفعلا اخو جوزى وافق واتجوز واحده نعرفها وعملوا فرح ولبس بدلة والعروسة لبست فستان وفرح متكامل وروحنا بعد الفرح علي بيت حمايا اللى اخو جوزى حيدخل فيه ولقيت مراته الاولانيه (سلفتى) قاعده ومبسوطة عادى فبقولها إنتى محضرتيش الفرح عشان زعلانه قالت لا حضرت الفرح وانا مش زعلانه عادى وراضيه وده نصيبي ... وفضلت العروسة الجديدة ترقص علي أغانى واحنا نسقفلها بس كانت بترقص وهى لابسه قميص نوم مبين اجزاء من جسمها من تحت بس عورتها كان باين حدود العورة فقط ... واخو جوزى دخل صلي ركعتين لله واخد عروسته الجديدة في الحلم ودخل بيها في غرفتهم ...
ظروف اخو جوزى وسلفتى هما لسه عرسان جداد ومفيش حمل لمراته لسه ... بس

الحلم رقم (2)
ازايك ماما نجية
انا حلمت انى كنت ماشية فى الشارع والمطرة مطرت عليا وجيت قلت لاخواتى المطرة بتمطر عشان الكل يدعى و بعد كدة انا رفعت ايدى ودعيت وانا مش فاكرة الدعاء وروحت البيت وبعد كدة بفتح ستارة لقيت اخويا وعريس ليا اتقدم واترفض بس كانهم هم فى الشارع وحواليهم ناس كتير والعريس اتقدم تانى فى الحلم فاخويا زعق معاه وقاله اعتذر الاول راح قاله انا اسف راح اخويا قاله انت شفتها هى عايزة ايه هي عايزة مواصفات كذا كذا وقاله هى دستورها القران (يعنى عايز يقوله انت هاتقدر تبقى كدا) و قفلت الستارة وقعدت ابكى لماما واخواتى وقلتلهم  شفته اخويا بيعمل ايه الناس هاتقول عليا ايه دلوقتى ومن كتر ما انا بابكى ماقدرتش اخد نفسى لغاية ما اتخنقت و ماما واخواتى اتخضو عليا خالص وانا شاورتلهم بايدى استنوا شوية وبعدين صحيت

الحلم رقم6
انا حلمت ان بنت عمتى جاتلى وبتورينى  شوارها  الملابس اللى جبتها لجواز كان منها ف الانجيرىهات وتشيرتات وبنطلونات
قصيرة فكانت بتفرجنى عليهم فانا كنت مضايقة من الحلم لانها معزمتناش ع خطوبتها بس شوية كدة قولت مش مهم  اعاملها كويس وخلاص  وفعلا قعدت تقيس هدومها اللى جيباها وتقولى اية رايك  فقاست حاجات انا قولتلها حلوين ع جسمك وف حاجات قولتلها عليها انها واسعة ومش هتبقة حلوة وف الحلم ماما كانت مضايقة من وجودها
مع العلم ان ف الحقيقة بنت عمتى مكتوب كتاباها ومش عزمتنا ف علا وف خلافات مابين مامتها اللى هى عمتى وانا ماليش علاقة خالص ببنت عمتى ولا اعرف فرحها امتة ولا اى حاجة

الحلم رقم ( 7 )
حلمت خير اللهم اجعله خير ان انا وبنت عمتى واختها التانيه وعمتى روحنا زى عمارة كده كذا دور عشان بنجهز لبنت عمتى دى جهازها ... وفضلنا نطلع ادوار كده لحد ماوصلنا دور وفضلت عمتى تسأل الراجل علي تكييف يكون كبييير ويبرد اكبر مكان عشان بيت بنتها واسع ... بس بنت عمتى متجوزة وعروسة جديدة من حوالي 6 شهور كده ولسه مافيش حمل

الحلم ده بنت عمىى اللى حلمانه بيه خير اللهم اجعله خير حلمانه انها نزلت هى ودينا اختها واشترت فستان وكولون اللى هو بتاع البنات ده

8
حلمت خير منام كانه حقيقة شفت خير يارب ان  الشاب اللى حكيتلك عليه كنت بكلمه كده عادى وفجأة لقيته بيدينى بنت صغيرة اسمها فرح المفروض انها بنت اخته بس لقيته بيدهالى ولقيته ملبسها فى رجلها فردتين جزم مش شكل بعض فانا استغربت فى الاول بس خدتها ولقيته واخدنى من ايدى وهو لابس بدلة فرح وانا لقيت روحى لابسة فستان فرح حلو ومدخلنى قاعة وموجود فيها ناس وشيخ وهيكتب كتابنا على بعض ولقيت اخته الكبيرة فعلا بتاخد مننا البطاقات الشخصية بتاعتنا وبتديها للمأذون وبيتكتب كتابنا فعلا وراح هو جايب قلم ذهبى وراح كاتب بيه اسم " محمد " بالذهبى وقاللى اعمل زيه وفعلا كتبت انا كمان اسم محمد بالذهبى ولقيته بيلبسنى شبكة على قدى وجميلة وانا كنت فرحانة اووووى بس كنت لوحدى من غير اهلى بس عادى كنت فرحانة على اساس ان اهلى عارفين وبعدين لقيته جايبلى جزمة بمبى قطيفة البسها للبنت اللى اسمها فرح اللى اديهالى فى الاول وكانت لابسة فردتين جزم قداااام اوى ومتهالكين ومش شكل بعض المهم لقيتنى انى انا اللى بلبس الجزمة دى وبقلع الفردتين الضيقتين الوحشين دول لانى لقيتهم فى رجلى انا ف وانا بلبس الجزمة البمبى دى رجلى اتكشفت قدامه فهو شافها وقاللى غطيها احنا قدام الناس فلقيت اخته جت تلبسنى الجزمة وتساعدنى وبعدين خرجنا انا وهو من القاعة وركبنى عربيته جنبه بس بعد كده انا ركبت وره وهو كان سايق قدام ولقينا نفسنا زى ما يكون  فى راس البر عندنا وكنا فرحانين اوى وكان المنام كانه حقيقة بالظبط .. بس كده 

حلم رقم 8

حلمت يا ماما نجية كان عندي ناس كثيرة عاملين اجتماع فى الشغل وبعدين خرجت فى الشارع ووقفت عند رجل بيبيع بلح شام و حلويات شرقية وقالي دوقي حاجاتي وفعلا اكلت منه   و قالي كمان جربي حلوى بالنعاع وفعلا اشتريت منه بي 2 جنيه بلح شام وصوابع زينب ومشيت

حلم رقم 12 

انا حلمت انى فى الجنه وكانت فى الفضاء وفاكره انى فكرت فى حجه غلط واعتزرت من ربنا وسامحنى وكنت عايشه فى الجنه مبسوطه

الحلم رقم 13
حلمت اللهم اجعله خير ان كان فيه ضفدع بيجرى وراى فى الشقه عندنا وبعدين جريت منه ورحت عند بابا وبعدين طلع من عند البطانيه اللى بابا كان متغطى بيها فكل شويه يمسك فيه الللى هو الضفدع وانا احاول ابعده وهو مش راضى يبعد وادخل ايدى فيه عنيه علشان يبعد وبرده مش بيبعد وماما وبابا بيبصولى عادى
وبعدين حلمت تانى ان انا فى شقه اختى وكنت بكنس شويه تراب وبعدين ظهر الضفدع ويجرى وراى وبعدين جريت راح اقعد يطير وراى ومسك فى ايدى بعدين شلته من ايدى راح ماسك فى جبينى اللى هى اورطى ده والغريب ان هو كان بيجرى وراى انا بس لان كان اخواتى معايا فى الحلم وكان بيجرى وراى انا بس كنت خايفه منه وخلص الحلم
انا انسه
لااعمل 
حلم عادى