تفسير احلام الثلاثاء 17\12\2013 باذن الله

1
هذا الحلم لماما 
حلمت ان بابا لابس جلبية سودة وفرش سجدة صلاة عشان يصلي بعدين ماما قالت لبابا انت هتصلي فبصلها وضحك 
وخلص الحلم علي كدة 
ومعلش يا ماما حلم لماما برضه حلمت انها كانت لابسة فستان وصندل كعب عالي وبعدين غيرتهم ولبست فستان تاني وصندل دهبي كعب عالي جدااا وكانت ماما فرحانة بيه وعمالة تبص فيه كل شوية وتوريه للناس 
وخلص الحلم  علي كدة مع العلم انا مطلقة وحاليا انسة وليا اختي كمان انسة

2
حلمت ان فيه عربية كبيرة تحت بيتنا واحنا بنزل فيها عزال بس مش حاجتنا واهلي وواحدة جارتي وخالتي كلهم بينزلوا بعدين قلت الناس كلها هتفتكر اننا هنعزل واحنا مش هنعزل اصلا وفي الحلم كنت بشرب عصير قصب 
وخلص الحلم علي كدة مع العلم  اني انسة

حلم رقم 3
حلمت اني ماسكة خروف لونه يا اما بني قاتم او اسود اللون مسكته بصعوبة 
مسكته من صوف ضهره فقالو لي لن تستطيعي طرحه بالارض ولكني طرحته ارضا بحيث ضهره عند ارجلي وارجله للامام( نفس وضعية الخروف عند ذبحه)
كان ببالي انو راح يقاوم ويرجع يوقف لكنه لم يحرك ساكن معرفش قمت من النوم او بنفس الحلم حلمت اني رايحة احكي الحلم لامي فقالت اختي الكبيرة لامي بانها حلمت انها ماسكة خروف فقلت لها انا ايضا شفت اني ماسكة خروف وحكيتلها عن الحلم بالحلم نفسه بالحلم فسرتو وقلت هاذ عريس ليا.
انا عزباء 40 سنة
متحجبة
وبسيطة التدين

حلم رقم 5
انا حلمت ان انا وماما واخواتي روحنا عند خالتي وكان في فرح بنت عمتي وكانت عملاه في الشارع عند خالتي وكانت لابسة فستان فرح ابيض والفرح مكنش فيه هيصة او دوشة وكانوا حاطين كراسي علشان المعازيم في وسط الكراسي دي لقيت عمتي بس مش ام العروسة واحدة تانية اعدة علي كرسي وكانوا مستنين المعازيم يجوا والعريس فأنا نزلت وعديت من الفرح وكنت رايحة اجيب حاجة فعمتي قالتلي ايه انتي مش هتحضري الفرح انتي كمان قولتلها لا يا عمتي احنا مش هنحضر الفرح ولا انا حتي انا هجيب حاجة وهرجع لخالتي راحت بصتلي باستغراب ومضايقة وسكتت وانا ماشية بقي ببص في ايدي لقيت في ايدي اليمين لابسة دبلة وفي الشمال محبس والاتنين دهب فببص علي الدبلة لقيتها رفيعة اوي فقولت ايه الدبلة الرفيعة دي ليه رفيعة كده انا بحب الدبل العريضة والحلم انتهي وانا ببص علي الدبلة ومستغربة انها رفيعة
انا انسة ومتدينة

حلم رقم 6
انا حلمت ان انا وبنت عمتي كنا في المستشفي مش فاكرة بنزور مين المهم قبل ما ننزل روحنا حطينا علي شعرنا حنة الحنة دي خلت شعرنا طري وناعم جدا ونزلنا مشينا في الشارع والناس بقت عمالة تبص علينا من جمال شعرنا بس الناس كانت معجبة بشعري اكتر لانه اسود وطويل وهي شعرها بني وقصير فشكل شعري كان احسن وبعدين حاولنا نلاقي تاكسي يؤوحنا بيتي مقناش مشينا لاول الشارع ووقفنا وحاولنا نلاقي تاكسي بردوة مفيش فلاقيت اخر الشارع راجل بتاع جرايد قولت ده قريب من بيتي اهو خلاص بعد كده هجيب منه علي طول وفرحت انه قريب من بيتي علشان هجيب جرايد منه وانتهي الحلم
انا انسة وبنت عمتي مكتوب كتابها

حلم رقم 8

ماما انا حلمت اني ماشية جمب واحد في الشارع وبنتكلم وزي ما يكون ليه هيبة عليا ومبجلاه ....قعدت اسأل نفسي ايه ده مين ده اللي انا بقدره كدة وبقوله حاضر .....بعدين طلعت بيتنا وطلع معايا وعرفت ان ده خطيبي اصلا ...وبعدين لقيت اعمامي وخلاني وبابا كلهم لابسين عبايات خروج وبدل ....والاوضة التانية الستات ....وزي ما يكونو كلهم فرحانين بيه اوي وبرده ليه هيبته عليهم ومقدرينه جدا وتقريبا بيعملو حاجة هو قالهم عليها زي ذكر او قراءة قرآن ...بعدين قالهم كلهم يالا بقى دلوقت كلنا هنصلي ركعتين قيام ليل .....وكان الوقت بعد العشا مش بالليل قوي ....انا فرحت وافتكرت اني اخدت وقت بصلي ركعتين كل يوم بالليل وقلت كويس انا هقوم اصلي بس بعدين لما شفتهم بيسمعو الكلام اتغظت وقلت لا مش هحسسه بقيمته ...مين ده اللي كل اهلي بيسمعو كلامه كدة ......بعدين قمت وراهم وبصيت لقيت زي ما يكون في يافطة فوق الشيش بتاعنا ومكتوب عليها اسم واحد بس مش باين وفضل يوضح حبة حبة بعدين لقيت مكتوب  م\ محمود حمدي ....قلت ايه ده انا مخطوبة لمهندس وفرحت وبعدين استغربت اسمه لاني معرفش حد الاسم ده وخلص الحلم على كدة 

انا انسة وكنت بصلي الركعتين بالليل بانتظام بس بطلت بقالي فترة لوحدي كدة 

في حلم لخالتو .... حلمت بقطة سودا في الحمام عندها في بيتها وموجود واحدة تععرفها معاها وابنها الصغير وفضلت تقفل ابواب الشقة عشان القطة دي تخرج على برة على طول .......وحلمت حلم تاني بقطط كتيرة موجودة في الشقة بس مش سودا وكبيرة 

خالتو متجوزة وعندها ولدين