تفسير احلام الثلاثاء 11/6/2013 باذن الله

الحلم رقم (7)
حلمت انى كنت قاعدة مع اختى وكنت قاعدة فى وضع النوم بس مش نايمة وفجأة لقيت شخص عنده حوالى 15 سنة وجميل دخل علينا من البلكونة فأنا اتكسفت وقمت قعدت وبعدين هو دخل الاوضة اللى فيها الكمبيوتر وكان فيه ماوس قديم فهو خده وبعد كده كان عايز يمشى بس ماكنش عارف طريق الباب بس قبل ما يمشى سألناه عن رأيه فى الماوس اللى خده قال ان ده ماوس نوعه كويس جدا وبيعيش وبعدين قلنا له على الطريق وقبل ما يمشى انا وقفت اتكلم معاه شوية مش فاكرة كنت بقوله ايه بس فاكرة حاجة واحدة بس انا كنت ببص فى وجهه اوى ومسكت حواجبه وقعدت اتأمل فيهم وقعدت امشطهم مش فاكرة بإيدى ولا بمشط وقلت له انت لما هتكبر حواجبك هتتقل وتمسك فى بعضها وكنت بتعامل معاه كأنه اخويا كنت واخدة معاه راحتى وبهزر معاه وامسكه وبعدين هو كان هيمشى انا رحت اوصله لطريق الباب واحنا نازلين على السلالم انا قلت له فى نص السلالم انى مش هقدر انزل اكتر من كده بس هو طلب منى انزل شوية كمان فأنا نزلت معاه شوية وبعدين قلت له الباب قدامك على طول وقبل ما ينزل ويمشى والدتى جات وشافت ورق على الارض فقالت لنا نظفوا المكان فقلت له معلش والدتى صعبة شوية ومش بعيد تطلب منك انت كمان تنظف معانا ولسه مخلصة كلامى ده وبالفعل طلبت منه ينظف معانا قالت لنا كل واحد يجيب مكنسة ينظف بيها الورق اللى على الارض ده فأنا والولد رجعنا طلعنا فوق تانى وضحكنا وقعدنا ندور على مكنسة خشب علشان ننظف بيها الارض والمشكلة ان الورق كان قصاقيص صغيرة علشان كده كنا بندور على مكنسة تكون معمولة من النخل

آنسة والحالة الدينية متوسطة
والشخص اللى كان فى الحلم معرفهوش
لكن انا الفترة دى معايا مشكلة مع شخص