أدخلي اكتبي حلمــــك <<<< تفسير أحلام يوم االجمعـــــة 15 - 11 - 2013

الحلم رقم (2)

حلمت ان انا كنت فى المطبخ واختى كانت معايا بس مش فاكرة كنت بعمل ايه
وبعد كده اخويا دخل علينا وكان معاه الهدوم بتاعته والمكواة
وكان عايز يكوى الهدوم فى المطبخ لكن لمبة المطبخ ماكنتش شغالة
فأنا شغلتها بس خدت وقت على ما تفتح يعنى قعدت تفتح وتقفل
فأخويا مستناش اللمبة لما تفتح وراح يكوى هدومه فى الصالة
وبعد ما خرج من المطبخ على طول اللمبة اشتغلت
وبعد كده انا مشيت ورحت المنور وسمعت والدتى بتقول ان اللمبة
ماكنتش بتشتغل خالص وانا لما فتحتها ودى اول مرة افتح اللمبة دى
واشتغلت معايا
وبعد ما دخلت المنور لقيت سلم منزلى بتاعنا بس قديم ابتسمت
وافتكرت نفسى زمان لما كنت بقعد على السلم ده وكنت بفكر اقعد عليه زى زمان

أنا آنسة وحالتى الدينية متوسطة

واختى آنسة

واخويا عازب

حلم 3

حلمت ان اخويا كان قاعد معايا وبيقولى
انه عايز يدهن وش العمارة بتاعتنا لكن كان مستسهل الموضوع اوى
هو كان عايز يعمل كده بنفسه ولوحده كان فيه علبة دهان وقال انه هيدهن بيها وش العمارة
وكمان قال بالمرة هيدهن جزء مقشور فى العمارة اللى فى وشنا
وكان عايز يدهن برولة دهان
اخويا عازب ومش بيشتغل
وانا انسة

حلم رقم 5

انا حلمت ان في واحد جي يتقدملي هو ومامته مفروض كانوا جاين بعد العصر والبيت كان كله تراب ومتبهدل وانا عايزة انضفه بسرعة قبل ما يجوا وكان عندنا في البيت 2 من صحاب بابا واحد صاحب بابا اوي وانا بحبه جدا وواحد تاني زميل بابا بس وانا مش برتاحله وعمره ما جه عندنا البيت وكلمني وقالي متقلقيش ان شاء الله الموضوع يتم وانا كنت مضايقه انه بيقولي كدا وبيتدخل وبعدين العريس دا كان جايبلي هدية مش عارفة ادهالي امتى او ازاي بس انا شيلتها  ومكنت فاكرة انا شيلتها فين وفضلت ادور عليها كنت خايفة يسالني هي فين وبعدين لقتها في درج تحت الحجات الموجودة في الدرج وكانت فستان وبرفان  وبعدين نضفت الشقة بس كان فاضل الجزء الي عند الباب والبوفيه كان كلهم تراب وبعدين رحت انا وماما قبل العصر قبل ما الناس تيجي طلعنا عند واحدة صاحبتها كانت والدة طالعنا باركنلها وماما ادتلها فلوس مجاملة عشان تهنيها بالمولود ورحت قلت لماما يلا بسرعة ننزل قبل ما الناس تيجي بس يدوب نزلنا كان الناس وصلوا ومكنتش لحقت انضف التراب الي لسة متنضفش وسالت ماما البس الفستان الي هو جايبهولي قالتلي لا رحت لبس طقم حلو عندي ومامة العريس لما قعدت معاها راحت سالتني ليه ملبستش الفستان الي ابنها جابهولي هدية رحت بصيت لماما ومعرفتش ارد عليها بس 

الحلم 8
انا حلمت انى جايبة 3 دريلات طويلة وكل دريل ب120 وكنت مبسوطة بيهم جدا وعمالة اقيسهم واقف قدام المراية اتفرج عليهم ومبسوطة اوى بيهم وعمالة افرجهم لكل الناس اللى اعرفهم هو كان ف واحد اخضر وواحد ازرق وواحد بطيخى  وعلية زى جاكت كدة المهم انى قسمت الاخضر والازرق لانهم كان شكلهم حلو ومختلف وجديد بس لقيتهم من ورا من الطهر مش متقفليين زى ما يكوون بيتقفلوا بشرايط بتتربط مش اكتر وماما وتيتة وصحابى قالولى لا لان الزاى هتمشى كدة  احلى واحد اللى علية جاكت ومحترم وشكلة حلو عليكى اوى انا كان عاجبنى اللى بيتقفلوا بشرايط اكتر من ورا  بس لقيتهم انى لازم البس تحتة حاجة علشان بيتربطوا علشان لو اتفتح والفيونكات اللى فيه مش قفلت بس قولت مش مشكلة وصممت انى اخدهم هما ال 3 وحطتهم ف كيسة وشلتهم عند تيتة ف الدولاب او عند خالى مش فاكرة
وبعديين مشيت وانا ماشية قعدت اقول انا ناسية حاجة وانا ف الطريق افتكرت انى نسيت الكيسة اللى فيها ال 3 دريلات عند تيتة قولت خلاص بلقى مش مشكلة انا عيناهم ف الدولاب ف مكان امان ولما اروح يوم الخميس عند تيتة هبقى اخدهم بقى

انا لسة انسة وللعلم انا اصلا عمرى ما لبست دريلات لانى قصيرة ما مش بتليق عليا علشان كدة كنت مستغربة ان ف الحلم ان ال 3 دريلات لايقيين عليا وشكلهم حلو اوووووى عليا رغم ان انا مش كدة خالص

ازيك ياماما نجية
انا امبارح حلمت حلم غريب

حلمت اننا في بيتنا ( بس بيت تاني غير بيتنا الحقيقي ) وجه اتقدم واحد عشان يخطبني وانا وافقت وكده وكنت فرحانة اوي اوي اوي رغم اني مشفتوش في الحلم  وبعد كده قعدت اخطط بيني وبين نفسي انه كتب كتابي هيبقي في البلد وبعد كده الفرح هيبقي عنده وهعيش معاه في بلده
وبعد كده لقيت كتاب ، المفروض ده كتاب بتاعه هو هو اللي مألفه ، وانا فتحته وقعدت اقلب في الورق بتاعه ، ولقيت في الاول مكتوب بلون غامق اووووووي رقم صفحة معينة هو كاتب فيها حاجة كان رقمها اربعة مائة ورقم تاني مش فاكراه
ففتحتها لقيت مكتوب فيها ( انه العسل اثناء السفر  عدة ايام يجوز استخدامه فهو لا يفسد وغير آسن )
وبعد كده قلت لاختي اسمها رؤي
قلتلها مش انهارده الجمعة كان مفروض يجي ؟ مجاش ليه ؟ لو هو عايز يفسخ الخطوبة قوليله عادي يعني نفسخها
قالتلي لا يابنتي ده هو قال كزا كزا ، يعني هيجي في يوم تاني او كده

بعد كده دورت علي اكل قبل ما انزل عشان كنا مسافرين لقيت جبنة طرية وشكلها جديد وطازة بس مردتش اكل منها وقعدت ادورعلي سندوتش فراخ بايت لغاية ما لقيته واكلته

الشخص اللي في الحلم ياماما انا كنت زمااااااااااااااان اوي بدعي بيه بس الموضوع اتقفل خالص وانا نسيته فعلا
صحيت قبل الفجر بساعة