أدخلي اكتبي حلمــــك <<<< تفسير أحلام يوم الأثنيــــــــــــن 21 - 10 - 2013

الحلم رقم ( 1 )
السلام عليكم ماما نجية .... كل سنة وحضرتك طيبة يارب والسنة الجايه نبقي علي عرفات جميعا يارب ...
انا متزوجة ومعايا ولد عمره سنتين وحامل لسه في الشهر الاول ...
انا حلمت حلم غريب بس لو وحش عشان خاطرى مش تفسريه ....
حلمت خير اللهم اجعله خير .. ان فيه شاب ظابط شرطة اسمه ( محمد ثابت) قريبي ده في الحقيقه مات في سيناء مضروب ب 30 طلقه ... ونحتسبه عند الله شهيد إن شاء الله ... حلمت انه جاى مدينى شبشب بصباع والشبشب ده عليه زى طبقه كده من فوق الصباع ده بس الطبقه دى مقطوعه ... قالي البسيه ولما لبسته لقيته مريح اووووى في اللبس وعلي أدى بالظبط حتى ارتحت في لبسه ومهتمتش بالقطع ادام مريح وادام الصباع بتاع الشبشب سليم ... وادانى بنته أشيلها وانا استغربت انه ميت مش متجوز ولا مخلف جاب البنت دى منين ... قالي شيليها وشيلتهاله فعلا والبنت دى في الحلم مكنتش حلوة اوى بس شعرها أصفر وبيضه بس الجمال مش أد كده ودخلنا زى جامع كده بس وخلص الحلم علي كده ... عشان خاطرى لو تفسيره وحش بلاش تفسريه ... تسلميلي يارب

الحلم رقم 2
الحلم ده جوز خالتى حلم بيه قبل صلاه الفجر
حلم ان ابوه وامه المتوفين اخدوه ومشى معاهم وكانوا جايبينله عروسه ولما قرب للعروسه لقه خالتى اللى هى مراته وانتهى الحلم
هو الحمد لله متدين والحاله النفسيه  متوسطه والحمد لله 
معلش حلمت حلم ليا ان بنت عمت زوجى لبسه خاتم كله فصوص وجميل وعجابنى قولتاله يا جزمه متجبليش واحد قالتى انا جايبالك اتنين ومشيت معاها عشان نجيب الخواتم بتاعتى من بيتها وكانت بتوصفلى شكل الخواتم ان فى خات من الخواتم بتوعى عليها شكل واحد ساجد او راكع بفصوص بيضاء جميله وانتهى الحلم  مع العلم انها برضه حلمت انها بتديلى خاتمين وانا اخدتهم منها
الحاله النفسيه الحمد لله كويسه
عندى ولد

حلم رقم 3
السلام عليكم ياماما
اول امبارح كتبت حلم لصاحبتى وحضرتك طلبتى ظروفها وظروف اختها وده كان الحلم

الحلم رقم 4 الحلم ده لصاحبتى  هى حلمت اللهم اجعله خير انها مع اختها وواحدة صاحبتها ووقفتلهم عربية نص نقل عشان يركبو فيها وصاحبتى لسه جاية تركب العربية مشيت بسرعة وهى فضلت ماسكة فى العربية وبتجرى وبتحاول تركب والعربية ماشية وفعلا ركبت لقيت اختها راكبة فى العربية لكن صاحبتها اللى كانت معاها مالحقتش تركب  وانتهى الحلم

اكتبى  ظروف صاحبتك   واختها








صاحبتى متجوزة وهى زوجة تانية وفى مشاكل بينها وبين جوزها وملتزمة دينيا
واختها مخطوبة ومتوسطة التدين

رقم 4

مرت عمي اسمها رحاب حلمت لاختي حلم
تقول حلمت انها عملت لبن زبادي وماقدرت تاخذه قامت اهدتها لاختي يعني عملت زبديتين لبن واعطتها لاختي

اختي متزوجه ومرت عمي متزوجه وعندها اولاد اختي ماعندها

5
هذا الحلم لماما 
حلمت انها ماشية ورا جنازة حد ومعاها ناس وبعدين عشان يوصلوا  للقبر اللي هيدفنوا فيه كان لازم يعدوا من فوق القبوروكان فيه فوق كل قبر سلمة عشان يعدوا من عليها بعدين السلالم اتهزت فالراجل المسؤل عن القبور قالهم ينفع كدة بعدين ظبط هو السلالم تاني بعدين وهما هيدفنوا الميت لاقوا ان فيه واحد هيدفن الاول وكان بيشرحوه قبل اما يدفنوه وكانت دي كأنها حاجة عادية لازم تحصل بس كانت عينيه مفتحة وهو ميت بس ماما متعرفش هما مين لا الميت ولا اللي بيتشرح 
وخلص الحلم علي كدة 
ولو تفسيره مش حلو قوليلي استعيذ بالله

6

انا انسه مخطوبه وفرحي ان شاء الله بعد شهرين.
حلمت اننى في الشقه وكانها الشقه اللي هنتجوز فيها و كان اهل خطيبي كلهم فيها  . دخلت انا واختى (هي متجوزة و عندها ولدان) دخلنا لقيت فيه غرف كتير و كل واحد من اهل عريسي في غرفه. في غرفه منهم لقيت مرات اخو خطيبي (عندها في الحقيقة ولد و بنت ) لقيتها قاعده ومعاها بيبي صغير بنت في سرير محمول على ترابيزة جنبها.
وبعدين دخلت اوضه تانيه لقيت بنت تانى بنفس شكل الاولى سبتهم وانا مستغربة هما ازاى قاعدين كلهم فى شقتى كده ودخلت اوضة تانيه انا واختى وبعد ما دخلت بقول لاختى فين بنتك قالتلى بره قلتللها انا هروح اجبها نفسى اشيلها قووى ( اختى فى الحقيقه معندهاش بنات) طلعت الصالة ودخلت الاوضة الى فيها مرات اخو خطيبى وجيت اجيب البنت قالتلى لا دى بنتى التانيه فى الاوضة التانية دخلت جبتها وانا ماشيه فى الصاله سمعاهم كأنهم بيقولو جاى بس تجيب بنت اختها وسيبة بقيت العيال الهم دخلت الاوضة وبرفه الستارة من على وش البيبى لقيت وشها اسود بقول لاختى هى عندها وحمة فى وشها رد خطيبى قالى اه على الخدين فقولت فى نفسى سبحان الله البنت التانية احلى منها خالص وبعدين ببص على وشها لقيت الوحمة بتفتح ووشها بينور لحد ما اختفت ووشها بقه منور جدا فانا قعدت اقول لاختى ما شاء الله النونه اتغيرت بقت زى القمر.
قبلها بيومين حلمت انى دخلت مكان مش فاكرة ازا كان بتنا او المدرسة الى كنت بشتغل فيها واقول ما دخلت لقيت زى حربايه او سحليه كبيرة بتجرى اقعدت اصوت واقول الحقو الحقو بس محدش كان شيفها غيرى وبعدها لقيتها تحولت للون الحيطة واختفت بلتفت لقيت واحده تانية صغيرة دخلت جرى وصوط بردو وبعدين لقيتها خارجة بتجرى وفى بقها سماعة التلفون الاسلكى بتعنا واقعدت اعيط واقولهم اخدت التلفون وجريت .

7

حلمت خير ان فيه واحد زميلى اعرفه (وكتير بحسه معجب بيا من تصرفاته )
حلمت حلم قصير جدا انى شايلى بنوته قمورة اوووووى ولقيته جاى يقوللى حلوة اوووى يا ايناس البنت دى وكانت عجباه اوى بس كده