أدخلي اكتبي حلمــــك <<<< تفسير أحلام يوم الخميـــــــس 17 - 10 - 2013

cappuccino كتب:

حلم 1
كل سنة وانت طيبة يا ماما نجية عيد سعيد

حلمت خير انى كنت ركبت اتوبيس وكانت فى واحده جمبى يمكن صاحبتى وبتكلمنى وانا قمت مره واحده عشان انزل والاتوبيس كان زحمه اوى ونزلت عند محل ملابس وقعدت اختار واخترت جيب قصير وكان فى شباب فى المحل وفى منهم ملتحى بدقن صغيره واخترت جيب قصير ولقيت شاب من اللى فى المحل جايب جيب اورنج قصير وبيقولى اقيسها يعنى وانا مكنتش اخترتها تقريبا وقعد يقول دى احلى وانا لو الحاجه لى اختار دى وكده والح اقيسها يعنى واخدتها وكانت معايا صاحبتى اسمها رانيا وفى الحقيقه كنت معرفش عنها حاجه من فتره طويلة وقابلتها صدفه وبقينا نتكلم لاننا مكناش نعرف ارقام بعض ودخلت بروفا وقيست طقم ابيض جيب طويل وعليه سويت شيرت كل المحل هدوم بيتى يعنى بس شيك ومختلفه عن التقليدى ولقيت الجيب طويلة ومضبوطه على ولقتنى من الخلف اتخن مما انا عليه دلوقتى وعجبتنى الجيب بس كانت طويلة وقولت لرانيا تجيبلى الجيب اقيسها اللى الشاب قال عليها وجيت البسها لقيتها ضيقه دخلت فى رجل والتانية لا قولتلها شوفتى يارانيا مش داخله انا تخنت يابنتى وكان فى فالبروفا لما دخلت اقيس شباب ملتحى وانا اتحرجت لما دخلت فى البروفا لقيتهم وهما قالوا عادى انهم مش هيشوفونى وكده وبعدين دخلت الجيب الاورنج وعجبنى شكلها اوى ورانيا شافتنى وشافت جسمى وانا بقيس ولاحظت علامه فى جسمى يمكن فى ايدى ورجلى وقولتلها دى علامات قديمة يابنتى وكنت بضحك ومش مستغربه العلمات وقولت هاخد الجيبتين عشان حلوين وهوفق عليهم تى شيرت ابيض من عندى بدل التى شيرت ده عشان مش حلو وكنت فرحانه بنفسى وانا بقيس عشان كنت تخنت شويه والهدوم دى كانت لجهازى ولما خرجت قولتلهم هاخد الجيب فرح الشاب اللى قالى ع الجيب
انا الحمدلله ياماما بصلى الصلوات وبستغفر وبدعى ونفسى ربنا يكرمنى بالزوج الصالح

ومعلش حلم تانى كنت حلمت انى فوق السطوح وكان فى فيران وانا كنت خايفه منهم بس اليوم ده انا كنت فوق السطوح بليل مع بابا بنعمل حاجات وكنت سامعه صوت فيران فى عمارات الجيران

ويارب يكونوا خير وجزاك الله خيرا

اه ياماما افتكرت دلوقتى حاجه ان كان فى فالحلم 100 جنية يعنى كنا بنتكلم فى تمن الحاجات وبردو رقم فلوس اقل من ال 100 بس وصل ل100 جنية
يارب يكون خير ياماما لو حاجه وحشه بلاش تقوليه ربنا يبارك فى عمرك يارب وانا بدعى اكون من مخطوبات سنة 2013

ياماما نجية ياحبيبة قلبى ربنا يخليك ياماما ومايحرمنى منك ابدا ومن تفسيراتك الحلوة
دايما تبشرينى بالخير ربنا يسعدك يارب
يارب ياماما ياااااااارب انا كان فى واحد ملتحى فعلا اتقدملى لكن محصلش نصيب
يارب يكون عريس غيره ملتحى عشان نفسى اوى فى واحد متدين يقربنى من ربنا
وفعلا اقرب الناس بتتكلم على ومن ورا ظهرى وبالكدب يلا الله المستعان
كل سنة وانت طيبة ياماما انا مبسوطه ومتفائلة بتفسيراتك كانها رسايل من ربنا لى بيقولى انه سامعنى وحاسس بى وجمبى
عارفه ياماما انا قعدت اقرا كل تفسيراتك لى والله النهارده وفرحت اوى ربنا يبارك فيك يارب يا امى