حلم 1
السلام عليكم ورحمة الله وبركاته
امى جزاك الله خيرا كثيرا
حلمت خير يارب انى فى طريق ومعايا ناس يمكن يكون اخويا محمد وكنا زى مانكون قدام الجامعة وزى مايكون بنحفظ احاديث وان فى حديث عن الرسول علية الصلاة والسلام بيقول ان اشد خطر علينا شويبس جولد وحاجتين تانيين بس انا مش متذكراهم وقعدت اقولهم ازاى يعنى ده الرسول توفى قبل ما الحاجات دى تبقى موجودة فزى ما اخويا قالى ازاى اشكك او كده ولقينا سرفيس مشى من قدامنا ومكتوب عليه انه ببلاش او هيودينا المكان ده ومجانى لكل الناس وفضلت بقرا الكلام اللى عليه وهو ماشى ومش مصدقه بعدين قولت اه سبحان الله وجه سرفيس وركبنا ولقيتنى مع بنت بس مش عارفه هى مين وركبنا جمب بعض وكان الكرسى فاضى وكان فى كرسى كمان فاضى قدامنا زى مايكون بقول ان اللى معانا يركب فيه ونزلنا عند محطة الزقازيق وببص لقيت صاحبتى خلود ماشيه وجمبها بنت طفله بس كبيرة فى ابتدائى مثلا وفضلت عينى عليها عشان تشوفنى واسلم عليها واتقابلنا فعلا وكان معاها واحده من اصحابى بس مش ميذكرة هى مين وسلمت عليهم وكانوا زعلانين عشان مش بسال عليهم وقولتلهم غيرت رقمى وقولتلهم يدونى ارقامهم بس كان اللى معايا بيستعجلونى فقولتلهم طيب خدوا ده رقمى وقطعت ورقه من نوت صغيره ماسكاها فى ايدى وكانوا هما بيملونى ارقامهم قبل ما اديلهم الورقة وخبط على بطن خلود وقولتلها فى جديد على اساس فى الحلم انها لسه متزوجه مع انها متجوزه من فتره ومعاها طفلين ماشاء الله وفى الحلم زى مايكون متجوزه بقالها 5 او 4 شهور قالتلى لا والله مفيش ولو فى هخبى عليك وشكيت تكون مخبيه بس قولت لا ومشيت وافتكرت ان الورقه اللى قطعتها ممكن يكون عليها التاريخ بتاع اليوم النهاردة بس كانها نتيجة يعنى مش اكتر وقولت لازم اكلمهم ع الارقام اللى ادتهالى واتصلت وقولتلها ايوه يا اسماء اسماء دى غالبا بقى هى اللى كانت مع خلود وهى مش صاحبتى اوى يعنى معرفش عنها حاجه من زمان اوى من وقت مانقلنا من البلد وقولتلها ان جه رقمى وتديه لخلود وكده ولقيتنى فى البيت ولقيت خالات بنت عمى كلهم عندنا وخالتى عفاف واتنين من خالات بنت عمى بيلبسوا على اساس رايحين الشغل ولفوا الطرح وحد جه خبط علي بابنا وببص لقيتهم ستات كتير وعرفت انهم اصحاب مرات عمى وجايين لهم عشان يروحوا الشغل سوا وروحت قولتلهم لقيت خالة بنت عمى واسمها هويدا وانا بحبها ومعجبه بيها كشكل وشخصيه لفه طرحتها ومبينه نص شعرها وقولتلها حلوه اوى بس البسى بندانه عشان شعرك مايبانش قالتلى لا كده حلو وبصيت لمرات عمى لقيتها لافه طرحه صفرا حلوه اوى بس كانت لابساها على عبايه بيت لونها اصفر وزى ماتكون هى عبايه ماما وقولتلها حلوه اوى بس هتخرجى كده قالتلى اه دى شيك وطنط هويدا قالتلى انا هقولك بتحطى الطرحه على راسك وتقلبى طرفها وتلفيها هتطلع كده قولتلها اه انا فعلا عايزه اغير لفة الطرحه واعملها حلوه بس مش هبين شعرى وجه فى بالى ازاى الفها وهى بتشرح ونزلت تحت لقيت الستات دول قاعدين فى مدخل البيت واتكسفت قولت كان لازم ادخلهم وفتحت النجف فى الصالة والارج والنور الابيض كمان وقولتلهم قاعدين كده ليه يلا اتفضلوا جوه قالولى لا هنمشى وزى مايكونوا كانوا قاعدين زعلانين كده قولتلهم لا والله ودخلتهم وشديت واحده فيهم قالتلى انا عايزه اعرف لما مفيش حد جوه مقولتلوش ليه قولتلهم لا ادخلوا مفيش حد غير بابا واخويا وهما فى الاوضه مش هيخرجوا نايمين ودخلتهم ولقيت بابا صحى وماسك شنط كتير اوى اوى اوى كلها فيها رنجه وباين انها نضيفه ومغلفه انا مشوفتهاش بس كنت عارفه اللى جواها وبابا قال ايه جه كله هنعمل بيهم ايه وكانوا كلهم ملفوفين ومحطوطين فى اكياس لونها ابيض وقولت لبابا لا خليهم قالى كتير اوى قولتله خليهم مش هيبوظوا وكنت مبسطوه اوى بيهم لانى بحب الرنجا وبابا قالى وخالتك عفاف مش عويدها تيجى بدرى كده قولتله هى جت عشان مرات عمى جت انما لو عليها هى مش هتيجى وهتتحجج وتيجى متاخر كانوا زى مايكونوا جايين عشان فى مناسبه بس جايين قبلها بكتير اوى بايام يعنى يا ماما
يارب يكون خير علما ان لو فى مناسبه عندنا خالات بنت عمى مش هيجوا هيباركوا فى التليفون وخلاص لانهم مش خالاتى وبنت عمى هتتجوز فى شهر 1 الجاى وانا بدعى ربنا يرزقنى بالزوج الصالح واتخطب على العيد
