تفسير احلام الثلاثاء 16/7/2013 باذن الله

حلم رقم 1


انا حلمت ان بيتنا بيولع يعنى فاضله حوالى يوم كده ويولع والبيوت اللى حوليه كلها كانت مولعه وانا وماما كنا بنحاول نلم هدومنا والحاجات بتاعتنا كلها وانا كنت بقول الحمدلله انه ادانا وقت نلم هدومنا غيرنا بيتهم ولعت بيهم وبهدمهم بس العماره مكنتش زى عمارتنا والمكان اللى فيه العماره غير مكانا الحقيقه حتى كده كان فيها خضره والمكان كان احسن من مكانى اللى عايشه فيه

3
حلمت اني بصلي في الجامع صلاة جماعة مع سيدات وكان بليل وتقريبا كانت صلاة تراويح وبعدين خلصنا فلقيت جمبي فردة حلق دهب فناديت الست اللي كانت بتصلي جمبي وقولتلها هو ده حلق حضرتك قالتلي اها هو فلقيت الفردة التانية في ودنها ولبستلها الحلق بعدين قالتلي كنتي اديتي فردة الحلق للمسئول عن الجامع وهو كان هيدهاني بس كان هيديكي مكافأة عشان لقيتي حاجة ورجعتيها لصاحبها بعدين روحت للمسؤل عن الجامع وقولتله اللي حصل قالي انتي ليكي مكأفاة كبيرة عشان رجعتي الحلق لصاحبته 
وخلص الحلم علي كدة مع العلم اني انسة

الحلم ٤ 


 حلمت اني دخلت للدكتورة النسائية وأعطتني إبرة ببطني وإبرة بفخذي لعلاج النزيف

حلم رقم 7 

كل سنة وحضرتك طيبة يا ماما نجية ورمضان كريم

انا حلمت ان صاحب اخويا مات ومامته بعد ماعرفت انه مات ماتت هى كمان بعديه فى نفس اليوم وانا فضلت اعيط من الزعل هما جيرانا وبعدين اخوه الكبير طلع يزعق من البلكونة بس مش فاكرة قال ايه وانا كنت بدعى مش فاكرة غير انى كنت بقول يا رب واخويا محمد صاحب المتوفى جاب ورقه وعلقها على بيت صاحبه انه توفى هو مامته علشان الناس تعرف واخويا محمود قاله هو مش حسين المتوفى كان مع خطيبتك فى راس البر اخويا قاله لا مكنش معاها وانا قولت ياخساره مشفتوش قبل ما يموت وطول الحلم كنت بعيط حسين واخوايا محمد عندهم 30 سنة 

انا الحمدلله ملتزمة بصلى وبقرا قران و بقيم الليل فى رمضان وغير رمضان وبقرا سورة البقرة كل يوم الحمدلله وبستغفر ربنا وبصلى على النبى  وانا انسة عندى 26 سنة وصاحب اخويا اسمه حسين مش مرتبط ومامته ملتزمة الحمدلله اخويا محمد كان المفروض هيتجوز فى شهر 3 وساب خطيبته ودلوقتى هو رجعلها تانى والمفروض هيتجوزها قريب واخو المتوفى اسمه محمد وهو عصبى شوية

8



حلمت خير حلم صعب .. حلمت انى قاعدة وسط بنت وشاب تقريبا مرتبطين وهى معاها بنت منه وبعدين انا قاعدة مزنوقة فى وسطهم ومتضايقة جدا من ضيق المكان وعايزة اقوم وكنت وانا قاعدة كان قاعد ورايا شاب ماشاء الله جميل بس مكنتش واخدة بالى منه اوى لانى كنت ملخومة فى زنقتى دى بين الاتنين دول وبعدين عرفت اسلك نفسى واخرج من بينهم وامشى وزى ما يكون كنت حامل وبطنى كبيييرة فى الشهور الاخيرة وفجاة زى ما يكون سقط الحمل وحصل اجهاش ونزل الجنين ونزل معاه دم كتييير وانا حسيت انى وقعت فى الارض وتعبت اوى فلقيت الشاب الجميل ده جه وقومنى من الدم والعكة دى وكنت متبهدلة وشالنى وحاول يوقفنى ويبعدنى عن المكان اللى الاجهاض حصل فيه والحمل سقط فيه وبعدين لقيتنى قاعدة فى اوضتى كده وماسكة فى ايدى انسيال عريض دهب واخويا كان داخل اوضتى يقوللى ايه اللى فى ايدك ده قلتله ده انسيال صاحبتى هبة وضاح ادتهولى عشان البسه يعنى (دى معيدة عندى فى الكلية وصاحبتى وهى انسة) وبعدين خده يتفرج عليه لقيته بيقولى ايه ده ده كله مشغول ومزركش وفيه فصوص حتى مفيهوش حته سادة وكله مزركش وفيه شغل قلتله اه ما هوه غالى  وتقريبا مصنوع بطريقة متقنة وكان معجب بيه ومستغرب انه متقون كده ومتزين اوى كده بس عاجبه ...بس كده