تفسير احلام الثلاثاء 9/4/2013 باذن الله

الحلم رقم (4)
حلمت انى كنت فى المدرسة وكنا فى حصة والطلاب كانت مشتركة يعنى فى اولاد وبنات وكان فى استاذة بتشرح الدرس وانا مليت من الدرس فطلعت جدول الحصص وقعدت اكتب مواعيد الحصص وفى ولد شافنى بعمل كده فعمل زيى طلع الجدول وكده وبعدين الحصة دى خلصت وبعدها دخل علينا تقريبا 3 اطفال معاهم سلاسل صغيرة معمولة من العنب الاحمر جالى طفل قال لى تاخدى عقد قلت لا وبعدين جاتلى طفلة قالت لى تاخدى عقد قلت لا مش عايزة وبعدين دخلت علينا واحدة ست قالت لنا يا ريت تجربوا الحاجة قبل ما ترفضوا وكانت بتبص لى وتقصدنى بكلامها انا ابتسمت وقلت لها ماشى فرمت لى واحدة عنب حمرا وانا مديت ايدى علشان استلقاها بس مجتش فى ايدى ووقعت على الارض واتفتحت ونزلت لون احمر زى الفراولة انا مزعلتش والست سألتنى ليه ملحقتيهاش قلت لها مليش فيها نصيب وابتسمت ابتسامة رضا فالست كانت معجبة بيا لانى مزعلتش وبعدين ابتسمت لى و قالت على فكرة انتى كسبتى معانا ألف مبروك كنتى سعيدة الحظ فى البرنامج انا اتفاجئت وماكنتش مستوعبة هى كان معاها شخص شكله زى الاجنبى عيونه لونها ازرق وكده قعد جنبى ومعاه ورق شرح لى الموضوع بس كان صوته منخفض فقلت له انا مش سامعاك كويس فكرر الكلام تانى بس بردو مسمعتش كويس فقال لى تعالى ندخل الاوضة علشان الدوشة وتسمعينى كويس دخلنا الاوضة وهو قعد على الكرسى قال لى انتى هتدفعى 99 جنيه علشان تستلمى جايزتك بس مقالش ايه هى الجايزة وكان معاه اوراق مكتوب فيها الكلام ده وقال تبقى تراسلينا على صفحتنا فى الانترنت علشان انتى من الفائزين واتفقنا وخلص الحلم
بس الست اللى كانت فى الحلم كانت بتتكلم انجليزى وعربى يعنى شوية تتكلم كده وشوية كده والشخص اللى كان زى الاجنبى كان بيتكلم عربى كويس اوى

أنا آنسة
والحالة الدينية متوسطة