الحلم 22السلام عليكم ورحمة الله وبركاتة
بارك الله فيكى يا ماما نجيةوانتى بتوحشينى فعلا وربنا يجزاكى عنى خير جزاء...
شفت نفسى فى الشارع رايحة زيارة وشفت مشط عند محل فى طريقى واخدتة هدية لواحدة انا رايحة ليها تبقى فى مكانة عمة ليا يعنى قريبة باباوهى عمة زوجى لكن هى متوفية واسمها سمية وقبل ما ادخل البيت كانت هى موجودة وعايزة تدخلوسلمت عليها وخدتها بلحضن وقبلنا بعض لكن مش بالحرارة الجامدة كان شعور معتدل وكانت معاها شنطتين نايلون مليانين معرفش فيهم ايه وكان فيه ناس اللى هما اصحاب البيت بيساعدوها تدخل وبيسندوا ايديها (كما كانت فحالتها الصحية فى الحقيقة)
وانا شلت عنها الشنط ودخلت وتقريبا دخلت قبلها وجلسنا بغرفة بالصالون وكنت انا على الكرسى الكنبة الكبير (الفوتية ومعايا بنتىالصغيرة)وكنت انا صامتة وكلامى بسيط واتكلمنا عن صمتنا لكن قلت لهم انا هسمع لهم (لان كان فى الجلسة اتنين رجالة ) وكنا بنبص لبعض كنوع من التواصل بس انا كنت مش ببص كتيروكان جالس على الكراسى اللى بصفى هما الرجال لكن مش بجانبى مباشرة وامامى اتنين شابات معرفش هم انسات ولا متزوجات وبصفهم
تجلس العمة سمية واعطيتها المشط الهدية لكن هى رفضت تاخدة وقالت سبب انا مش فاكراة وشفت نفسىفى الشارع راجعة ومعايا المشط (المشط كان لونة برتقالى وفية قطعة مرتبطة بية بتخرج هوا دافىء كالسيشوار وينفع فى لمعالجة الشد العضلى او اى استخدام اخر) وقلت لنفسى لية انا راجعة بية وانا عندى واحد فى البيت لونة بنى وكمان اجود منة فاعطيتة لبنتى الكبيرة وخليتها ترجع عشان ترجعة وكنت واقفة استناها لما ترجعة لعمتى اما بنتى الصغيرة كانت شابطة فية وعايزاة قلت لها ان عندنا فى البيت مشط بتاعنا كويس فهمتنى ورضيت
الحالة النفسية : الحمدلله اللى تاعبنى انا وزوجى اكتر منى ان فيه ناس مناعة للخير وبيعملو عكس مصلحتة لكن شكلهم الخارجى كدة كأنهم مش قصدهم او بيعملو لمصلحتة ولكن فى ايديهم حل لمشكلة بنمر بيها يعنى زوجى بيهتم ان امورنا تمشى وهما معرقلين امورنا .....اما شعورى فأنا مفوضة امرى لله
