تفسر احلام الخمىس 13\2\2014 باذن الله

الحلم رقم 1
ازيك يا ماما نجية يا رب تكوني بالف خير حلمت خير اللهم اجعله خير اني في ارض فيها سباق خيل وانا واقفة ع النجيلة الخضراء والسباق بيتم ورايا يعني انا واقفة في ارض السباق وببص قدامي لقيت مرايا في وشي بصيت فيها لقصيت وشي منور وابيض واحلي من الاصل وفارقة شعري من النص ونازل علي كتافي لونة اسود ليل وحرير ومفرود وانا اتمني يكون شعري كدة في الحقيقة يارب يكون خير انا انسة مخطووبة وفي مشاكل مع خطيبي

حلم رقم 2

 ازيك يا احلى ماما نجية حلمت باني كاني باشتغل مع عمرو الليثي وكان قدامه على المكتب حلويات المولد تقريبا ملبن  وانا كنت باخد واكل منها عادي وبعدين لاقيت نفسي فى شقة ومعايا المطربة سيرين عبدالنور وكانت قاعدة معاها وهي بتتصور

الحلم رقم 4
معلش يا ماما نجية في حلم قلقني النهاردة يارب يكون خير
حلمت ان لي صديقة اسمها امنية روحتلها بالليل واخوها صنايعي وانا اخدت معايا جاكت بني ليه عشان يضيقهولي وبعدين جيت ادخل لامنية مامتها منعتني لكن اخوها وختها خلوني ادخلها دخلتلها وقولتلها اللي انا عايزاه وبعدين خرجت لقيت اخوها دة يبقي خطيبي ولقيت اننا بالنهار واتمشينا ع البحر واحنا ماشيين لقيت حصل زلزال جامد اوي وانهارت بيوت كتير والارض كانت بتترج تحتنا وبعدين ووقعنا وخلص الزلزال وببص لقيت خطيبي واقع علي زلط كتير ووشة متخرشم ومزرق من الكدمات نتيجة الزلزال واهلنا كانوبيطمنو علينا والدته كلمته وامي كلمتني وبعدها قومته ومشينا بس يارب يكون خير

5

انا عندى يا ماما مشاكل في الشغل وعايزة انقل لشغل تانى بس في نفس الشغل اللي بشتغل فيه

وماما حلملتلي اني انا وزجي بعنا العربية اللي عندنا واشترينا واحده جديدة خاالص وكانت احسن من اللي عندنا

حلم رقم 7
اخويا حلم ان كان في شقتنا ندوة وكان في كراسي كتير وان كان بيدير الندوة دي قسيس فاخويا كان اعد وبيسمع الكلام اللي بيقوله وكان بيتكلم كلام عام عادي فاخويا بيقول في سره ده كلامه صح وبعدين الندوة خلصت فأنا روحت للقسيس ده وقولتله عايزة اقول لحضرتك حاجة قالي اتفضلي قولتله مش بنيمني مش بعرف انام منه وعيطت قالي طيب اقعدي ادامي واعد يبصلي وشاور عليا وراح قال اطلع منها امشي وكان بيقول حاجات في سره  وطلع والحلم انتهي
القسيس اللي هو بتاع المسيحين

8
هذا الحلم لماما
حلمت انها ماشية هي واختي الصغيرة وبعدين خالتي ناديتها قالتلها ان جارة عمة ماما عايزة ماما في حاجة فماما راحت فلقيت عزا فقالت طب ازاي هنتكلم كدة فدخلوا بيت جارة عمة ماما الله يرحمها فكانت الناس بتعزي فماما قالت هقعد شوية مع الناس اللي اعرفهم  وصاحبة البيت اللي ناس بيعزوها قالت لماما انها جايبالي عريس بس مش هينفع نتكلم في الموضوع عشان خاطر الناس اللي قاعدة بعدين كانوا قاعدين عمة ماما الله يرحمها وبنتها وواحدة تانية قريبتنا بعدين عمة ماما كانت تعبانة وعندها صداع وماما راحت عشان تشتريلها علاج من الصيدلية فاالصيدلية كانت بتبيع علاج ودهب وكان فيها بنتين بيبعوا وكان فيه خواتم كتييير دهب موجودة علي الباترينا فالبنات شالوهم عشان ميتسرقوش بس سابوا خاتمين فماما خدتهم ولقييت ان  فيهم خاتم شافته قبل كدة وكان عاجبها جدااا ومليان فصوص لونها ابيض ونبيتي وكانوا خاتمين كبار وقالت انها هتديني خاتم منهم وبعدين ماما روحت البيت وكان معاها الخواتم والبرشام فافتكرت انها نسيت تدي عمتها العلاج فقالت لاخويا الصغير بس هو ميعرفش البيت بعدين قالت تتصل باختي الصغيرة بس اختي جت وماما قالت لها تودي البرشام بس مرضيتش 
وخلص الحلم علي كدة مع العلم اني انسة وفيه شخص عاوز يتقدم  لي واليوم اللي كانوا جايين فيه اتزحلق علي السيراميك ورجليه شبه متجبسة والشخص ده اخو جارتي وانا عرفت الموضوع من اختي الصغيرة هو اللي قالها  وعندي اختي انسة في اولي جامعة واختي الصغيرة عندها 13 سنة

9
هذا الحلم لاختي
حلمت بيا اني نازلة الكوافير عشان خطوبتي وماسكة فستاني في ايدي وان كل حاجة حصلت بسرعة جدا لدرجة انها مبقتش عارفة تختار هتلبس ايه 
وخلص الحلم علي كدة 
ومعلش يا ماما حلم تاني لاختي برضه
حلمت ان العيلة كلها جت في بيتنا مرة واحدة وان كل حاجة جت بسرعة جدا وان فيه مناسبة بس مش عارفة ايه هي 
وخلص ده كمان علي كدة 
مع العلم ان كان فيه شخص هيتقدم بس حصلتله مشكلة ولسة مجاش بس لما يخف هيجي ان شاء الله