تفسيرأحلام يوم الخميس 16\8 باذن الله

كل سنه وانتى طيبه ماما نجيه وبخير
ماما نجيه حلمت انى فى شقتنا وانى فى غرفه الانتريه وكنت نايمه على الكنبه بتاعت الانتريه وكان موجود معايا واحده ست بس مش فاكره هيا مين مكنش واضح اوى وبعدين عرفت ان فى شخص داخل البيت فرحت اتعدلت فى مكانى وكنت لبسه حجاب رحت عدلته ودخل شاب يدوب القى نظره وبعدين قال انه موافق ولقيتهم قرائو الفاتحه ولقيته جاب علبه الشبكه وكمان جاب زى كوليه واسوره دهب غير الشبكه ومش فاكره احمد اخويا كان موجوده فى الجزء ده ولا مش متاكده بعدين لقيتنى قاعده تحت فى شقه تحيته فى نفس الغرفه وانى قاعده مع بنتين اخواته وكنت قاعده جنب واحده منهم وكنت بتكلم معاها وانى لبسه شبشب وكنت بقول ليها انى هشترى شبشب جديد يكون طرى وشكله يكون حلو وبعدين جت تيته قالت ليا اطلعى هاتى كوبيتين عصير ليهم وواحد من البنات ندهت لاختها الى كنت بكلمها تروح تقعد جنبها وبعدين خرجت من الشقه وطلعت على السلالم وانا على السلم شفت اسماء بنت عمتو افراج كانها لسه واصله عند البوابه وجايه وسمعت اخته الى كنت بتكلم معاها بتكلم فى التليفون بتاع تيته بتكلم شيماء بنت عمتو افراج وتقولها انها جابت الاسوره يعنى خفضضت فيها بنصف تمنها فحسيت ان الاسوره الى جابوها ليا شبه بتاعت شيماء بالظبطوبعدين دخلت شقتنا لقيت عمتو ناديه واقفه وكان باين عليها فرحانه وكانت بتبارك ليا ومش فاكره ان كانت حضنتنى ولا لا بس ببص فى ايدى اليمين لقيت دبله فى ايدى كانت مظبوطه عليا وكان شكلها حلو وعجبانى وبعدين دخلت المطبخ عند ماما لقيت فى كذا كأس وكذا شكل فاخترت 2 وماما مليتهم عصير مانجو وشلتهم علشان انزل ووقفت عند السفره وكان فى شنطه صغيره خالص وكان فيها حشره صغيره جدا فى الشنطه لقيت بضغط على الشنطه وهيا مات كان زى دبانه بس معرفش هيا ايه كنت بعمل حاجه بطبط حاجه معرفش ابل ماانزل بالعصير وصحيت من النوم على كدا

معلومات مامتى بتصلى بانتظام من سنوات
عمتو ناديه طيبه كتير وبتصلى وعندها بنتين
شيماء بتشتغل ولسه متجوزه من شهرين
اسماء مش بتشتغل ومش مخطوبه
وانا ملتزمه فى الاستفغار وقراءه سوره طه والبقره والصلاه
ومش مرتبطه ولا بشتغل ماما نجيه