تفسير احلام الخميس 13/6/2013 باذن الله

1

السلام عليكم ورحمه الله وبركاته

ازيك يا ماما نجيه ربنا يجازيكى كل خير ويكرمك يااااااااااااااارب

انا اللى حضرتك فسرتيلى حلمى امبارح وقولتيلى اعمل الرقيه الشرعيه لانى بعيد عن ربنا والله انا مش بعيد عن ربنا ولا حاجه بالعكس انا بيجى عليا فترات ببقى ملتزمه جدا وللاسف فترات تانيه ببقى كسلانه اوووووى

انا كنت عايزة اسأل حضرتك عن حاجه لو سمحتى 

انا بقالى سنين بحلم احلام مزعجه جدا وبصحى خايفه اوى بس على فترات يعنى ممكن كل كام شهر او كل سنه

هحاول افتكر حاجه منهم وياريت حضرتك تقدرى تساعدينى

انا مرة حلمت انى قابلت ست قالتلى انا صاحبه قناه فى التليفزيون عن السحر والاعمال وقالتلى انا ممكن اشوفلك

وخليتنى اغمض عنيا وانا مغمضه شوفت مخلوق غريب مش بنى ادم بيدور حواليا وبيقولى مش هسيبك فى حالك

وحلمت مرة تانيه انى فى الحمام وكان من غير باب وفيه حد معدى هيشوفنى جريت استخبى جنب الحوض وفجأة لاقيت حد بيقرا عليا حاجات مخيفه بطرقه مرعبه جدااااااااااااااااااااا انا مش فاكره مين كان بيقرا بس لما صحيت كان جوايا احساس انه مش انسان انا فى الحلم كنت شيفاه بس للاسف نسيته خالص لما صحيت مفتكرتش غير خوفى ورعبى منه المهم انا ماما بتنام جانبى لما صحيت من الحلم ده قعدت انادى عليها علشان تلحقنى ومفتحه عينى وشيفاها وهى نايمه مش حاسه بيا خالص وبعد شويه ماما قالتلى انى اصلا مش كلمتها ولا كنت بنادى عليها لانها كانت صاحيه بس انا متأكده انى كنت مفتحه عينى وشيفاها وبنادى عليها وهو بيقرا عليا

وحلمت برده ان فيه شيخ جالنا البيت وقال انى عندى مشاكل والبيت كمان وبعدين حسيت ان حد بيكلمنى بيقولى انا مش حسيبك فى حالك مهما تعملى وهتعب اى حد يقربلك وموت حد عزيز عليا فى الحلم بس انا مش فاكرة مين وقالى هتعبلك مامتك لان ماما تعتبر اقرب واحده ليا فى الدنيا

وعلى فكرة فى الحقيقه مامتى تعبت بعد الحلم على طول

مش فاكرة حاجه تانى

بالله عليكى ساعدينى لو تقدرى وربنا يجعله فى ميزان حسناتك ياااااااااااااااااارب

على فكره انا اتخطبت 4 مرات وكل مرة بفشكل ولما حد بيتقدم بيحصل مشاكل ودلوقتى فيه خطوبه كلها مشاكل وربنا يستر وتكمل على خير ادعيلى يا ماما بالله عليكى

انا اسفه اوى طولت عليكى بس والله محتاجه رأيك اوووووووووووووووووى

الحلم رقم 6
السلام عليكم يا ماما نجيه
انا كان عندى حلم وعاوزه حضرتك تفسريهولى بعد اذنك
انا فى الحقيقه فى شخص اتمناه من الله زوجا
وحلمت انى الليله كانت ليله فرحى يعنى بكره الفرح واختى اعزكم الله كانت فى الحمام قاعده على التويلت يعنى بتقضى حاجتها وكنا فى الدور الارضى احنا فى الحقيقه عندنا دورين فى بيتنا وانا بقولها انى لسه ما عملتش سويت وكدا وهى قالت لى انا هساعدك تخلصيها وقلت لها خلاص نخليها بكره رغم اننا كنا اخر الليل يعنى وقت النوم خلاص
وبعدين لقيتها هتنام تحت فقلت لها انتى ليه مش هتنامى فوق قالت لى عشان مش هضايقك عشان تنامى براحتك فقلت لها لالا تعالى ننام جمب بعض عشان دى اخر ليلة وبعدين واحنا طالعين لقيت خطيب اختى دا طالع على السلم هو ابن عمى فى الحقيقه وكان درابزين السلم الوميتال مع انه فى الحقيقه حيطه عاديه وبعدين هو فى الحقيقه عنده مشاكل فى رجله فهو وطالع كان ساند ايده على الحيطه وانا كنت مستعجله قمت عديت من تحت ايديه ووزى ما يكون خطيبى اللى هو اصلا الشخص اللى بتمناه زوج سامعه صوته بيكلمنى ويقولى والحيوان استغل انك عاوزه تطلعى وحط ايده عشان تعدى من تحتيه مع ان ابن عمى مكنش عارف انى جايه من وراه وانا غافلته وعديت من تحت ايده بسرعه
مع العلم انا ما فكرتش فى الشخص دا نهااااااائى قبل ما اشوف الرؤيا
فى الحقيقه انا عمرى 30 سنه واختى اصغر منى بسنتين وهى مخطوبه وانا لسه واحنا كل واحد فينا له اوضه لوحده وكل واحد بينام وحده والدتى متوفيه وابن عمى عايش فى بلد تانى مش عايش معانا فى نفس البيت