- اقتباس :
الحلم رقم 3
حلمت خير اللهم اجعله خير
اني انا وماما وصحابتها الاتنين في محل ملابس كبير جدا الى هوا السلام شوبنج
ودخلت انا وطنط ام محمد (مع العلم ان محمد في بيني وبينه اعجاب)
اعدنا نختار هدوم ونتفرج وكنت واقفه ولابسه جاكيت ازرق طويل انا مفصلاه في الحقيقه
قالولي الله جميل قووي ومامة محمد عجبها قالتلى انا هعمل زيو قولتلها هيكون جميل وهتلبس يغطي جسمك
وبعدين انا وهيا نقينا بلوزتين ليها كانت واحده ابيض في بترولي والتانيه اسود في فوشية قولتلها
ياطنط عشان خطري قيسيهم اشوفهم عليكي
قالتلى فعلا شكلهم حلو تعالي
لقينا طنط صحبتها التالته اعدت تنادي وتزعأ وتقول يللا خلينا نمشي
قالتلى هترخم تعالى ونبقه نيجي انا وانتي بكره لوحدنا نقيس برحتنا
قولتلها تيجي نروح محل تاني قالتلى لا هنا الحاجات افخم واحلى
وبعدين هما مشيو ماما اتبقت معايا
لقيت ماما شايلاني وبتعدي بيا الطريق
ومشيت بيا مسافه طويله وهيا شايلاني وانا حسه براحه شديده جدا
وبتقولى انتي شمة ريحه نفسي قولتلها لا
قالتلى لما تتجوزي هتعرفي ريحه نفس جوزك
وبعدين نزلتني على سلالم انا قولت لنفسي كفايه تعبتها همشي انا
لقيتها بتقولى معلش انا مش قادره اكمل تعالى نمشي سوا
وكنا دخلين مكان واسع زي ملعب كدا وفيه تواليت
بس صحيت من النوم على كدا ومكملتش الحلم
انا عندي 22 سنة ومش مخطوبة
وف الحقيقه اني بحب محمد دا وكانت والدتي بتاخد رأيي لان في كلام اتفتح بين صديقاتها عني
وصحبتها
التالته عماله تقولهم اخطبوهم لبعض ووالدتي خايفه النسب يخليهم يخسرو بعض
وتحصل مشاكل لكن والدتي اقتنعت ان هما تربيتهم كويسه وهوا شخص محترم ف بإذن
الله مفيش مشاكل واتفقنا نترك الموضوع لحد ما ياخدو خطوة جديه المهم
والدتي متعارضش وتسيب مجال للكلام لانها كانت بتقولها دول زي الاخوات
حبيبتى
احب اقول لك شئ النسب ممكن يقوى العلاقة وممكن يكون العكس والمثل بيقول
الى له حبيب لايحاسبه ولا يناسبه اما رؤيتك توضح ان فيه كلام هيحصل بينكم
عن خطوبة وفيه خطوبة لك ان شاء الله وماما هتقف بجوارك حتى تتم على خير
وان شاء الله تعدى على خير ان شاء الله وهتصلى الى ما تريدين باذن الله
والله يسعدك
حبيبتي ممكن تفهميني لما قولتيلي الى له حبيب لا يحاسبه ولا يناسبو
يعني من رؤيايا واضح اني ابتعد عن الموضوع احسن ولا في بشرى خير ان محمد هيخطبني
ولا شخص آخر لما قولتيلي انهم هيتكلمو عن خطوبة
هل مجرد كلام بس عن الخطوبة
ولا الرؤيا مش مبينه ان هيتم خطوبتي على مين يعني مين الشخص المقصود
