تفسير احلام الثلاثاء 14/2

الحلم رقم (5)
حلمت انى كنت فى المطبخ وكنت عايزة اسخن أكل فحطيت طاجن كان فيه طبيخ بطاطس بطماطم وخليته على النار وبعد كده لقيت موبايل اخويا على الشاحن فمسكته وقلت اتسلى فيه شوية على ما الاكل يسخن بعد شوية لقيت اخويا دخل عليا المطبخ فأنا بصيت على الاكل اللى على النار لقيته سخن خالص لدرجة ان الطاجن اتكسر من تحت وقعد ينقط فركنته على الجنب بعد كده لقيت اخويا اللى دخل عليا كان عايز يذوق الاكل وماكنش يعرف انه سخن جدا فلمس الطاجن بإيده واتلسع جامد واتألم راح ماسك كيس كان جنب الوبتاجاز علشان يمسح بيه ايده اللى اتلسعت فالنار مسكت فى الكيس انا اتخضيت وقعدت ادور على اى حاجة اطفى بيها النار لكن اخويا كان ولا فى الدماغ ولا اتخض ولا اى حاجة وكان عادى رغم ان النار كانت ماسكة فى ايده وفى الكيس وبعدين انا وبدور على اى حاجة اطفى بيها النار دى لقيته بيقول لى هاتى عيش وامسحى ايدى بيه كانه قماش مثلا انا استغربت لكن عملت كده فعلا وبعد ما مسحت ايده بالعيش لقيتها عادى جدا ومفيهاش اى حروق وزى ما هى بس ماكنش فيها غير سواد بسيط اوى من النار


معلش معايا حلم تانى
حلمت انى كنت خارجة من المدرسة ورايحة على البيت فلقيت واحدة صاحبتى قالت لى انا همشى معاكى النهادرة فقلت لها ماشى ويدوب مشينا خطوتين لقيت واحدة صاحبة صاحبتى بتقولها تعالى اركبى معانا العربية فصاحبتى قالت لى معلش انا هكرب معاهم العربية وسألتنى تيجى معانا انا قلت لها لا انا هتمشى وكده كده بيتى قريب وهى ركبت العربية ومشيت بس كان نفسها تمشى معايا

أنا آنسة ومتدينة الحمد لله

الحلم رقم 9
غير مخطوبة
حلمت انني جالسه مع شخص ورأيته وكأنما صغر في السن واصبح طفل وكان طفل جميل جدا
يعني كأني رأيته شخصين مرة طفل صغير ومرة نفس الشخص وهوا كبير
وكنت ببوس الطفل دا وفرحانه بيه جدا ..
وبعدين شوفت اني جالسه انا والشخص الكبير دا على سور نهر تقريبا وبنصطاد سمك بسنارتين مع بعض وكان في المنام دا بيضمني عليه وكأنه زوجي او احد مقرب مني وحنين عليا جدا وعلى علم ان فيه ما بيننا حب لكن الحلم دا ليس باستخاره

حلم اخر
وبعد المنام دا حلمت بمنام اخر _ انني سوف أتزوج من شخص اعرفه اسمه سعد وكان ليه أخ وهو المطرب محمد عدوية واننى اعجبت بالأخين اما الثاني محمد عدوية كان طبيب صيدلي واعطاني حقنه وكنت ملت له اكثر لكني تزوجت بالاول سعد _ ولبست فستان لكني لم اتذكر انى شوفت نفسي لابسه ايه وكنت بقاعه صغيره وفيها ناس كتير جدا ولكني مش فاكرة اني سمعت اي صوت اغاني ووسط الفرح اعدت افكر اني هتجوز من شخص مبحبوش والافضل انني انسحب من الاخين وبمجرد نهاية الفرح دا انا صوت وعيطت بصوت عالى جدا القاعه كلها سمعتني والناس كلها استغربت وقولتلهم مش عاوزة الجواز دا طلقوني من الشخص دا انا مش عاوزة ولا دا ولا اخوه وفضو القاعه والناس مشيت وكان في حزن ف الحلم من سعد واخوه
وكان بداخلي انى عاوزة الشخص الى انا بحبه محمد ودا فعلا شخص انا بحبه
انا مش قادره افتكر اكثر من كدا ف الحلم بس بكيت كتير جدا