تفســـير أحـــلام يــوم الأربعـــاء الموافق 28/12/2011

بسم الله الرحمن الرحيم

نبدأ بتفسير الأحلام

ارجو الالتزام بالترقيم

الي حلمها مش هايكون مترقم هايتم حذفه يابنات عشان بتحصل لخبطة جامدة

حلم رقم 1

العضوة أسرار

السلام عليكم ورحمة الله وبركاته
انا شفت كأن معايا بيض كتير في طبق والبيض ده في كمية منه فقست وخرج منها
كتاكيت شكلها حلو وكنت قاعدة اتفرج عليهم وهما بيخرجو ومستغربة ان
البيض فقس لوحده و مستنية باقي البيض يفقس

الحلم 2

ماما نجيه ازيك ياحبيبتى

انا شفت حلم لنجلاء بس مش عارفه ليه معنى ولا لا

شفت ان انا فبلد تقريبا طنطا وكنت بكلم نجلاء فى التليفون وكان فى الحلم متقدملها عريس اسمه محمود تقريبا جار جدتى مش فاكرة فلقيتها بتقولى انا موافقه على بتاع عمان قلتلها باستغراب باه هتسيبى محمود(وكنت بشاور بصبعى فوق عشان كان ساكن فى شقه فوق فى الدور التانى)وتاخدى واحد مش من جنسيتك حتى؟؟فردت عليا وقالتلى ماهو مش معقول بعد ده كله ما اطلعش غير بمليون جنيه بس(كانت تقصد ان مش بعد وقت طويل من غير جواز تاخد واحد مش معاه غير مليون جنيه بس وكانت عايزه التانى عشان معاه اكتر واغنى)

ها ياماما ايه الاخبار؟؟

على فكره فى امانه اتبعتتلك انهرده نصها للست ونصها للبنت اللى هتتجوز

الحلم رقم (3)

حلمت انى كنت ببص من خرم الباب على اولاد صغيرين بيلعبه فى الشارع وكنت بضحك على تصرفاتهم وبعد كده وانا داخلة لجوه لقيت واحد جيرانا هو طويل كده ومعاق ذهنيا لقيته فى الحلم قدام باب بيتنا وكان اطول من الباب وبدأ ينادى على اخويا وانا اتكسفت اقول له مش قاعد فلقيته بص من فوق الباب وشافنى وانا جوه البيت وسألنى اخوكى فين قلت له مش موجود فقال لى طيب وبعد كده معدتش خمس دقايق ولقيته بينادى تانى خرجت له وقلت مش موجود قال لى طيب تبقى تخليه يكلمنى ضرورى قلت له حاضر ودخلت وشغلت التليفزيون وبصيت على الشباك لقيته لسه واقف فقفلت التليفزيون واختى سألتنى مين ده قلت لها انه صاحب اخويا وكده فراحت له وبصت عليه من الشباك وتكلمت معه وبعد ما خلصت كلامها دخلت وقالت خلاص مشى انا بصيت كده لقيته دخل وراها من الشباك فقلت لها إلحقى ده دخل واتخضينا منه وبعدين خرج من الباب ودخل تانى وكان معاه حاجات وقعد جنبى وطلع من الحاجات اللى جابها كحك فأمى اتكلمت معاه وقالت له انتوا لحقتو تعمله كحك العيد فقال لها ايوه فقالت له كويس بعد كده هو قام من جنبى وحط جنبى عيش فينو وكأنه يقول لى كلى ده فأنا ابتسمت وهو مشى وطلع على السلالم
احنا فضلنا نتكلم على العيش اللى حطه جنبى ونقول يا ترى ده اشتروه جاهز ولا هما اللى عملوه بايديهم وفى الاخر قلنا انه عملوه بايديهم بس مكلناش منه وكان فيه ساندويتش محشى حاجة غريبة فضلنا نبص ونشم فيه ومعرفناش ايه ده وسيبناه
وبعدين انا سمعت صوت انه نازل من السلالم فخفت وقلت انا هدخل استخبى علشان مش عاوزاه يشوفنى ودخلت اوضة النوم ورحت على السرير واتغطيت بعد كده لقيت اختى دخلت عليا وفى ايديها كيس شيبسى مفتوح وبتقولى خدى ده نصيبك من الشيبسى اللى جابه الولد وأنا اخدته وقلت طيب هبقى آكل الشيبسى بعدين

أنا آنسة
ومتدينة الحمد لله

الحلم رقم 4

ازيك يا ماما يا حبيبتي يارب تكوني بخير

انا شفت رؤيتين والاتنين قبل الفجر مباشرة قمت بين الاذان والاقامة

الاولى خاصة بشيماء

شفت اني عندها في شقتها بس هي مش شقتها دي شقة وفاء اختي وقال اننا لسه مدخلناش الشقة وبنتجمع كلنا علشان حندخل سوا وقربت من باب الشقة لقيت بابا شيماء بيتكلم في الموبايل باباه المتوفي وكانه بياخد رايه في عريس اسراء او حاجه وبيضحك مع باباه فانا بقولهم استنوا لما يخلص ابيه ساجي التليفون بس هو مخلصش ودخلنا احنا بقى وشيماء كانت فارده جسمها على السرير وانا كاني بايته عندها ووقفت بتكلم معاها جنب السرير وبهزر معاها بقولها اوعي يوسف يكون شايفنا قالتلي ما هو حاطط كاميرات مراقبة وبتضحك بقولها انتي بتهرجي يا شيماء طيب قوليلي وده ينفع برضه افرضي الواحد عريان ولا نايمه براحتي ولا ايدي في حتة والواحد مش حاسس وهو نايم وفين الكاميرات دي بقى؟؟ قالتلي اهي ببص يا ماما للسقف لقيت اللمبات الصغيرة الي بتبقى ديكور في السقف لقيت 3 لمبات مضلمين مش منورين على حرف السقف كده من فوق وفيهم 3 اخرام فعلا قلت يا نهار ابيض فدخلت نجلاء اخت يوسف بقولها وانتي كمان كنتي عارفة ان في كاميرات يا نجلاء ومتقوليليش؟ قالتلي معرفش والله يا هالة بمنتهي الهدوء وطلعت جنب شيماء على السرير فتخيلت وفاء اختي ساعتها وانها ملتزمة جداااااااا فقلت لشيماء دي لو وفاء عرفت انها لما بتيجي عندك وتبقى براحتها بتتشاف كده مش حتيييجي ابدا وقمت خلعت الكاميرات دي تقريبا وقالتلي حتلاقي شنطة شبه شنط المكياج فيها السي دي هات الي فيها التصوير علشان اخد الي انا فيها يعني بس لما اخدتها لقيتني في الصالة عند شيماء فعلا وفتحت الشنطة كانت سوداء وفيها سي دي هات كتيييييييييره قوي وصغيره جدا وفي اكياس معلبه فقلت اكيد الي كان بيتسجل عليها دلوقتي وانا فيها لسه مش متكيسه لقيت 3 واحده عليها تراب قلت اكيد مش دي بقى واتنين حيروني فقلت حاخد الاتنين والي الاقي فيهم نفسي حمسهم .. ده واحد

التاني بقى فيه مامة شيماء

شفت اني في شقة اختي القديمة وكانت العمارة من جوه على شكل مربع غير مكتمل الزوايا يعني الاوضة تبصي من البلكونة تلاقي في الوش بلكونة كبيرة بتاعة الجيران وعلى اليسار شباك الصالة بتاع اختي واليمين بقى بلكونة اختي بس في الرؤيا مكانتش بلكونة كانت شباك وانا ببص منه من ورا الشيش على الجو لقيت السماء مغيمة جامد بشكل يخوف والزاوية الفاضية من المربع كانها البحر ولقيت البحر بيعلى بس من غير موج الماء بيعلى بشكل مخيف وبيعلى الاول وصل لحد نص الشباك وكانت الشقة في الدور الثالث ولما وصل لنص الشباك انا خااااااااااايفه احسن يعلى عن كده ويغرقنا كلنا وببص لما رجع تاني لقيت الناس منزلة عيالها في البحر وهما وبيلعبوا وانا بس الي خايفه من البحر ورجع تاني اعلى من الاولى عدي فوق نص الشباك وببص للناس زي ما هما بيلعبوا في الميه وبصيت للسماء لقيتها اغمقت اكتر وضلمت والبحر بيعلى بشكل مخيف قوووووووووي ووصل لاعلى من الشباك فلقيت ياسر اخويا كان موجود معايا هو واختي فاطمة ماما شيماء فاخويا بيقول يبقى لازم نجيب البلاعات علشان الميه تجري فيها قلتله ايوه ياريت وانا واقفه سالت واحد من الجيران بقوله مش حتجيبوا بقى البلاعات قالي اتفقنا كلنا على يوم الخميس الجاي قلت يوم الخميس لسه حيستنوا يوم الخميس ؟؟ ما النهاردة الخميس يعني لسه ضامنين ان البحر ميغرقناش كلنا ده لو دخل البيوت يبقى خلاص فياسر قالي تيجي يابت يا هالة نروح احنا نجيب البلاعات ونبقى ناخد منهم بعدين الفلوس ننجز يعني قلتله يااااااااريت حروح البس ثواني قامت اختي فاطمة قالت لا متجيبوش حاجة افرض جبت ومدفعوش المهم قعدت تعجزنا علشان مننزلش نجيب البلاعة فدخلت الاوضه ابص على البحر من الشباك لقيت الشمس طالعة وهو عالى بس هادي وانا برضه كنت خايفه من الي بعد كده لان الجو مالوش امان واحنا في شتا وفي اوله يعني لما ندخل قوي في الشتا حنعمل ايه وقمت لقيت زوجي نازل يصلي الفجر ..لان فرق الوقت بينا وبين مصر ساعتين ..

قلقانة قوي يا ماما مش عارفة الا لما اقرِأ تفسيرك ان شاء الله

الحلم الخامسالسلام عليكم ورحمة الله وبركاتة

انا شفت انى راجعة من الدرس الخصوصى ومعايا بنات من عمرى وبنات واولاد من عمر اقل من عمرى يعنى الاولادوبعض البنات اصغر منىوكان ماشىخلف المجموعة الشيخ محمد حسان وكانت ملابسة بيضا كعادتة ومعة ثلاثة صبيان كأنهم اولادة وكان ماشى خلفنا لمتابعتنا وحفظنا وكانو التلات صبيان اتنين منهم سمر وشعرهم مجعد وواحد ابيض وعينية سودا وشعرة جميل فعجبنى وحملتة اما الشيخ فرجع لبيتة وكان قريب من بيتنا وانا حملت الصبىوكان بيبقى عايز يبكى وانا اهدى علية والحمدلله مش بكى معايا وانا فى الطريق مر من جانبى الشيخ محمود المصرى وقلت فى نفسى هو راح لمحلة اللى بيشتغل فية وانا حطيت الصبى بجوار عمارة وروحت اشترى من الشيخ محمود المصرى نوع من المخبوزات وكان الشيخ كأنة خباز وملابسة بيضاء زى ما بنشوفة فى التلفزيون وابتسامتة المعهودة واشتريت واحدة من مخبوزات (زى الخبزمدورة لكن مش خبز )ولفيتها على عشان اعطيها للصبى ويمسكهاملفوفة كدة واعطيتة اياهاوالمحل اللى فية محمود المصرى برضة قريب من بيتنا وانتهىجزاكى الله خيرا وربنا يكرمك ويسعدك

الحلم السادسالسلام عليكم ورحمة الله وبركاته

شفت انى فى مطبخ كبير كأنة مطبخى وكان معايا زوجى وماسك سكينةوبيشتغل فى حاجة او بيقطع حاجة وانا كنت عاملة سمك شكلة كأنة مسلوق وكميتة كبيرةوحاطاه فى صحن كبير وعميق وهو سمك من نوع كبير جدا ومقطع دائريا وجت اختة وزوجى قال لى اديها قطعة (اللى فى تفكيرى اننا متفقين نديها قطعة او حتة يعنى)وهى كانت قاعدة على كرسى صغير جدا (بنقول علية كرسى حمام)وادامها حاجة زى ترابيزة صغيرة جدا ومسكت الصحن الكبير بتاعنا عشان احط لها القطعة وحطيت ادامها قطعة وزوجى وقف جنبى وقال شوفى القطعة من جوة احسن يكون فيها دم يعنى مش ناضجة وفتحتها وشفت لون زى الدم بس غامق شوية ومسكت بين صوابعى من اللحمة ودقتها عشان اعرف ان كانت ناضجةودقتها وهى بتبص فيا وانا قلت لنفسى دى طعمها بالنسبة ليا لديد وناضج لكن هى اكيد ح تقرف منهاوانتهى

ربنا يكرمك يا ماما نجية ويوفقك ويسعدك سامحينى انا تعباكى معايا جدا

عضوة عدد المساهمات : 337 تاريخ التسجيل : 18/07/2011

حلم رقم 7

ازيك ماما نجيه
حلمت انهم جابو غرفه نوم حلوه وغاليه وجاهزه لشيماء وخطيبها علشان تكون فى عفشهم
وانى كنت ببكى جامد وفرحانه ليها بس فى نفس الوقت زعلانه علشان نفسى
وبعدين لقيتنى فى شقه مش متاكده ان كانت فعلا شقتنا فى الحقيقه المهم لقيت واحده اسمها فريده جايبه ناس وهتقعد عندنا ومحدش اتكلم خفت انهم يعملو حاجه تأذينا ولقيت قاعده معاهم عمتو سعاد فرحت رايحه قلت ليهم انى انا مش عيزاهم يقعدو عندنا ويمشو وابل مايمشو كنت بشوف خواتم ماما ليكون خدو منه حاجه عديت خواتم ماما
كانو 10 وقعدت افتكر هما كانو 11 وناقصين واحد ولا لا وكان فى ست واقفه معاها خواتم بتوعها
وبعدين جه بابا واخويا وقلت كويس انى مشيتهم وبعدين لقيتنى فى بيت وانى واقفه ادام غرفه
حد محبوس فيها وانه طلب شاى وحد طلع شاى على انه للراجل الى واقف ادامه الغرفه
وبعدين انا اخدت الشاى وكسرت زجاج الباب واديته الشاى وبعدين نزلت تحت اكلم واحد
انه حابس ناس بس مش يمنع عنهم حاجه بعدين دخلت لقيت ناس وشنط وفجاه الناس الى حبسه
الناس كلهم ماتو ولقيتنى بورى بابا السلاسل بتوعى كانو 3 سلاسل دهب وواحده فضه وواحده
عامله زى الحبل وفى حرف او دلايه

معلومات شيماء مخطوبه من شهر كدا بس والله ياماما انا مش زعلانه علشان
اتخطبت ربنا يسعدها ويفرح قلبها
مامتى الحمدالله ملتزمه كتير ربنا يجازيها كل خير
الست فريده جاره فى نفس الشارع وجوزها مات ومش عندها ولاد وفى حالها
عمتو سعاد متجوزه وعندها ولاد وانا مش بحبها لظروف معينه

الحلم رقم 8

السلام عليكم ورحمة الله وبركاته

انا حلمت ان كنت بالبيت ولقيت قطتين صغيرين وكانت ام القطتين دول مكنتش موجوده وهما كانو جعنين اوى فأنا كان معايا لبن كميه مش كتيره اوى اول مالقطتين شافو اللبن معايا جم عليا فأكلت وحده والتانيه مأكلتش وفضلو معايا لحد مامتهم جت فرحولها ينامو معاها بس القطه اللى أكلتها رجعتلى ونامت ف حضنى وأنا كنت مبسوطه بيها

معلش يا ماما نجيه هتعبك معايا بس معايا حلم صغير اوى هبعتهولك ف رساله خاصه

بارك الله فيكى وجزاكى الله خيرا

~~~~~~

انسه 17 سنه

حالتى الدينيه متوسطه

السلام عليكم

حلم رقم 9

ازيك يا ماما نجيه ايه اخبارك انا عندى 3 احلام يا رب يكونو خير

الحلم لاول يخصنى :حلمت ان انا واختى الكبيره زى منكون فى صحراء وفى صف ناس امامنا بيصلو واحنا وراهم بمسافه بسيطه واختى الكبيره لابسه خمارها وهى بنت وفارشه مصليتها وبتصلى عكس القبله وانا قولتلها ليه يا جيهان بتصلى عكس القبله كده وكنت خايفه عليها قوى من عقاب ربنا وهى قعدت تبوصلى باستغراب زى متكون هى الا صح وبعدين ام قعدت ااقولها حرم عليكى كده صلى صح راحت قالتلى يعنى اصلى كده قولتلها اه وصلينا وبعد ها الحلم اتحول وانا وهى فى نفس الصحرا دى وفى جمال كتير وصحابهم بيزءوا الجمال عشان تجرى وتؤذينا وانا مسكت ايد اختى وعماله اشدها وانا بجرى عشان الجمال بتجرى عشوائى لدرجه انى حسيت انها هتخبطنا بس ربنا سترها

انا الحمدلله بصلى ومتدينه ومتزوجه وعندى بنتين واختى الكبيره متزوجه وعندها 3 صبيان وبتصلى الحمدلله بس عندها مشاكل فى حياتها مع جوزها وانا تملى بدعيلها بظهر الغيب ربنا يصلح حالها ونفسى اشوفها جدا لان بقالنا 4 سنين مشوفناش بعض هى فى السعوديه

الحلم التانى لماما

حلمت بجدتى المتوفاه طالبه شال ابيض وجوزى الا دلها على المكان الا بيبيع الشالات وودناها بعربيتنا ونزلت تشترى الشال وانا نزلت بس دخلت اجيب من محل اخر حاجات ليه وجابت الشال ودفعت تمنه 38ج

والدتى بتصلى من فتره بسيطه سنه تقريبا بعد عمليه جراحيه قامت منها بالسلامه

الحلم التالث لاختى الصغيره عمرها 20 سنه

حلمت انها فى حديقه ومعاها صاحبتها وبعدين لاقيت الممثل احمد السقا ومعاه زوجته واخته المهم صاحبه اختى ركبت جمل وهو سألها قالتله بحب الحصنه فعدى من جنبها حصان ابيض قالها تركبى ده قالتله لا بحب الحصنه السوداء المهم السايس من بعيد جايب حصانين جاى بيهم الحصانين انقلبو أسدين وبياكلو فى شجره خضرا من جوعهم عشان مش واخدين بالهم من اختى والا معاها فاختى خافت وقالتله وبعدين هنعمل ايه قالها تعالى نهرب من هنا قالتلو طب سيب مراتك واختك وبعدين ابقى ارجعلهم تانى بس هربنى قالها لا هخدهم معايا ومسكهم فى ايده وهى طالعه الارض مطلع تعبت جدا ومش عارفه تطله لدرجه انها زحفت على بطنها وايديها بس طلعت بس بصعوبه

اختى مش متدينه خالص ومش بتحب حد ينصحها بالدين تسمع ممكن لاصحابها وزمايلها لكن احنا اخواتها ننصحها رافضه وعامله علينا كبيره وانها بتفهم اكتر مننا ربنا يهديها انا فسرتلها الحلم بالفطره كده والله اعلم قولتلها ان فى اتنين عاملين بيحبوكى وهما من داخلهم مش كده خالص وقولتلها لما النت يجى وهقوله لماما نجيه

الحلم رقم (10)

حلمت اني بالمحاضرة الاولى خالتي دلتني مكانها مع ابنة عمتي وكنت خائفة ان اسقط لانه خلفنا زجاج منخفض ويقول المحاضر عرف نفسك ونرى تلفزيون وكان التلفزيون يصورنا وجميع البنات يرتدون ملابس كحلية وبيضاء وانا قلت لبنت هذه جامعة كانها مدرسة فخرجنا فكل واحدة تلبس حذائها فانا قلت اين حذائي بالادراج وجدت احذية كثيرة ثم بالرفوف اقول هذه ليس مكان حذئي اين وضعته وجدت حذاء اسود عالي قليلا اخر رف فقلت سوف البسه وكبير علي فجاؤوا زميلاتي بالمرحلة الثانوية وعدوتي تعاملني جيدا فانا استغربت فقالت زميلتي وانا ارتدي الحذاء اريني قدمك فانا قلت لا لانه كبير الحذاء . ثم وكانني اريد ان اذهب للمحاضرة الاخرة فنزلت من الدرج ثم اريد ان اتصل لخالتي لتدلني مرة اخرة فلم ترد علي ثم وجدت اخي وكاننا بدولة اخرة دولة اوربية قلت له اين الفندق غضب علي مع رفيقه ثم بحثت عن المكان وانا اتصل وجدت نفسي بقارب بالليل وهذا القارب يبعدني عن الفندق فكانني تائهة جدا ثم ابتعدت بنصف البحر فقدت السفينة وجعلتها تلف للاتجاه الاخر لانه يبتعد باتجاه مخالف فارى ظلام امامي ثم قلت لامي انني لم احضر الا المحاضرة الاولى لانني لا ادل مكان الفندق.

فتاة عمري 21
طالبة عزباء متوسطة الالتزام
وقت الرؤيا الظهر

عضوة عدد المساهمات : 81 تاريخ التسجيل : 07/09/2011

[size=29][size=29]ماما حلمت خير اللهم اجعله خير انها وانا (ولاء) وبابا (عاطف) في بيت في الحلم هو بيتنا بس في الحقيقه مش بيتنا بيت مبني وجنبه بيت زي تبعنا يعني

وبابا دبح عجله صغيره وغطاها بس مافيش دم ماما شفته ولا شافته وهو بيدبح يعني لقيت العجل متغطي وبابا دبحه وبابا مسك زي الديل وبيقطعه جت قطه عايزه تنهش وتجري بس القطه من البيت راحت ماما ضربتها وبعدتها بعيد وقالتنلنا القطه دي خااينه

ماما متجوزه 46 ومافيش مشاكل الحمدلله

عندها ولد طالب وبنتين انسات

وجزاكي الله كل خير ياماما

الحلم رقم 12
ده حلم واحدة صاحبتى حلمته بعد صلاة الاستخارة
حلمت ان الشاب اللى هى مرتبطة جيه عندهم البيت وكان قاعد فى اوضتها وكانت بتقوله قوم صلى ركعتين لله وقام صلى وفى تانى ساجدة ركع حبا اكنو بيدعى فيها وجت اختها ياسمين معاها الموبايل بتاعه بتلعب ولقيت صورة لبنت مش كويسة عليه جت تقوله وسمر وهى على سريرها قالتلها مش عايزة اشوف حاجة ولما خلص قالتله قالها طيب مامسحتهاش ليه ومسحها هو وبعدين هما التلاتية سمر واختها والشاب ده كانوا قاعدين على سرير اختها ياسمين وسمر لقيت بنت كتباله فى مسج انها بتموت فيه فقالتله قالها خليها تموت براحتها انامالى وقالها الموبايل اهو شوفى اللى انتى عايزاه وهى فضلت تدور بس مالاقتيش اى حاجة تانية وهو كان فارد على السرير وهى جانبه واختها قدامهم وكان كل شوية يخبط فى كتبها و صدرها وهى كانت بتمسك ايده ولاقيت ناس قاريبها جم وباباها كان داخل الاوضة فقالتله اتعدل علشان فى ناس داخلة
الشاب ده فى الحقيقة هوكان جيه البيت عند صاحبتى ومعاه مامته بس الموضوع فضل واقف وهو بيكلمها عادى لانه معاها فى الشغل وكل شوية يتخانقوا مع بعض مرتبطين بس مش رسمى وهو مش منتظم فى الصلاة وهى بتشك فيه علشان بيكلم بنات على النت وبيحط صور مش حلوة على البروفايل بتاعه

عضوة عدد المساهمات : 916 تاريخ التسجيل : 17/07/2011

الحلم 13
ماما معلش عندى حلمين
الحلم الاول
اخويا مقدم على موضوع خطوبة والبنت اللى عايز يخطبها عملت استخارة وشافت منام ان عندهم فى البيت 150 جنيه 3 ورقات بخمسينات وقدامهم فى حته تانية فى البيت 150 جنيه 3 ورقات خمسينات بسسسس

الحلم التانى
يخصنى انا بصراحة قعدت ادعى ربنا كتيييييييير وبالذات بعد ما بيسونى سافر شغله فى القاهرة انى اكون جيت فى باله لولفت نظره لانه بصراحة شخصية خجووولة جدااا ومش بيبين وده اللى حسيته فى التعامل معاه وشفت حلم يارب يكون خير
شفت انى واقفة على سلم الفيلا اللى معموله نادى للشركة وواقفة بين شقتين وكنت هدخل شقة فيهم بس مستنياها تفتح فلقيت بسيونى طالع باسانسير فى شقة منهم ولما شافنى ابتسم كده وراح قافل باب الاسانسير وراح نازل عشان يروح الشقة اللى انا عايزة ادخلها فقولت مش مشكلة لما يقفل باب الاسانسير فى الشقة دى لانى مش هى دى اللى هدخلها ولقيته طالع بالاسانسير فى الشقة بقا اللى عايزة ادخلها واول ما فتح باب الاسانسير ولقانى واقفة ابتسملى كده وزى ما يكون اتكسف بس المرة دى مش قفل الباب من الكسوف لا خلاه موارب كده وبعدين راح فاتحه على الاخر وراح خارج من الاسانسير وبصلى وهوه مبتسم وانا ابتسمت وبصيت فى الارض وجالى خجل برده ولقيته مكمل طلوع على السلم بس ساعتها كان جنبى ست عجوزة قاعدة على كرسى بعجل فلقيت بسيونى بيقولها مالك يا حاجة قالتله انا بس عايزة حد يشيلنى بالكرسى يطلعنى السلم للدكتور فراح هوه اللى مقومها من عالكرسى وشايلها ومطلعها للدكتور ودخل معاها والدكتور طمنها ان معندهاش حاجة وكان بسيونى واقف معاها وانا بصراحة كنت ببص للموقف ده ومحرجة كان الست دى تبعى او حاجة شبه كده واخر مشهد فى الحلم انى لقيت نفسى بعدها واقفة فى كليتى وفى ايدى الموبايل ولقيته اسمه الثلاثى بالكامل بيرن على موبايلى رنة كده قصيرة زى ما يكون لما ضرب على رقمى كان مش قاصد يضرب عليه بس ضرب عليه غصب عنه انا اللى جه فى بالى ساعتها انه قفل بسرعة لانه جاب رقمى وانا معرفش انه جابه من ورايا ومع ذلك ظهر اسمه عندى وانا زى ما يكون بيتصل من امريكا وفرحت اوى انه حتى جاب رقمى من ورايا على الرغم انى عرفت وقلت يبقا انا اكيد فى باله خلاص لو رن تانى هبقى ابعت له رسالة بقا اسئله انت مين عشان محسسوش انى عرفت انه رن عليا وخلص الحلم
مع العلم انه فعلا مش معاه رقمى ولا انا معايا رقمه بس جالى الاتصال باسمه ومفيش بينا اتصال حاليا لانه من النوع المتحفظ الخجول وده اتاكدت منه بنفسى فى كذا موقف ويارب يكون دعائى ورجائى من الله نتيجته خير ...

الحلم 14
السلام عليكم ورحمة الله وبركاته
ازيك ياماما
انا ليا حلم لواحدة صحبتي حلمت كاني انا وهيا قاعدين عند واحدة مسيحية وانا كنت بسمع سورة مريم ف ايات قصة سيدنا زكرياا ع الست دي ..........الغريب انا انا بردك قبل كده حلمت اني بسمع سورة مريم ع المعلمة وبردك قصة سيدنا زكريا بس المعلمة وقفتني ومكملتهاش ......
وكتير بحلم ببنات مسيحيات كاني اما بقرا عليهم قران او بلقنهم الشهادة وبدعوهم للاسلام وهما بيسلمو
===========
حلم تاني لصحبتي بردك هي شافت انها بتاذن قدام جني وهو بيخاف منها وشافت قطط صفراء وعنيها صفراء
===========
وجزاكِ الله خيرا الجزاء وربنا يبارك ف صحتك

الحلم رقم 15الحلم
اذيك يا ما ماما نجيه يارب تكونى بخير
فى حلم واحده حلمته عنى وبلغتنى بيه

رات فى منامها انى انا ماشيه ومعايه شنطه عيش
وكان فيه طائر ابيض فوق بينزل ياكل من العيش اللى فى ايدى

انا انسه 23 سنه عزباء
ملتزمه والحمدلله

حبيبتى ان شاء الله فيه خطوبة لك لكن فيها حبة قلق والله يبعده

ماما نجيه
اللى شافت لى المنام ده هيه واحده صاحبه بنت اختى
هيه طالبه فى الصف السادس الابتدائى
وقالت لى انا شفت نفس الرؤيه دى لواحده من جيرانا من فتره
وهيه اتزوجت بعد الرؤيه

بتقول انها راتنى انا ومعى حاجه كبيره ومليانه عيش وفى طير كبير اوووووى ابيض بينزل من السما بياخد من العيش ويطلع تانى

ويعنى ايه فيه حبه قلق
انا مفيش عرسان بتتقدم لى وانا مخلصه جامعه من سنتين
كان فى موضوع من بره بره ومشى

ارجوكى يا ماما طمنينى
لان نفسيتى تعبانه بسبب الموضوع ده عشان مفيش حد بيتقدم لى خاااااااالص
ممكن توضحى لى الرؤيه اكتر

الحلم 16

انا حلمت اني فقدت عذريـــتي وشوفت دم كتير نازل في الحمام (( الله يعزك ))

واني اخدت دوا تقريبا هوا الى عمل فيا كدا

وقولت لأحمد (( دا متقدملي الايام دي )) انت السبب عملت فيا كدا ليه كدا هضطر اتجوزك انت

مع انه معملش فيا حاجه

واتضايقت جدا لان محمد (( واحد قريبي ))

مش هقدر اتجوزه وانا بحبه

بسبب انى فقدت عذريتي دي

وكنت بعيط بشدة

--------------

انا عندي 21 سنة ومش مخطوبة
ومبكلمش حد من الاتنين دول بس واحد متقدملي وواحد انا بفكر فيه

عضوة عدد المساهمات : 58 تاريخ التسجيل : 17/09/2011

الحلم 14

أخبرك أيه ياست الكل

رآيت أنني في مستشفى كبيره كنت ذاهبه لزيارة أحد ما
ولكنني لا إذكر من هو

كان أمامي مدير المستشفى رجل ممتلى الجسم يلبس ملابس نظيفه ومرتبه

كان يجلس خلف مكتب مرتب بعد قليل جاء المدير إتصال ع هاتفه الجوال

رد المدير ع جواله وإذا المتصل زوجة أخي نوره نظر إليه وقال هذا إتصال لك

أعطاني جواله وبداءت أتكلم مع زوجة أخي وأشرح لها مكان المستشفى

كان لون الجوال أسود وأحمر أنهيت المكالمه وخرجت إلى ساحة المستشفى

كانت الساحه كبيره جداَ وبداء المطر ينزل وأنا في الساحه وكنت مبسوطه بالمطر

ورافعه يدي الأثنتين حتى ينزل المطر فيها وبلل المطر شعري و جميع جسمي

توقف المطر وبعدها نهضت من نومي

ع الدعاء والإستغفار

هناك محاولات بالشخص

الذي يرغب بي بالمحاوله

من جديد مع اهله

حلم رقم 18

ازيك يا ماما اخبارك ايه عاملة ايه مش هطول عليكي يا ماما انا حلمت النهارده من الساعة 2 للساعة 5 الظهر حلمت ان انا واقفة في مكان فخم اوي زي فيلا او فندق أو منتجع فخم جدا المكان يا ماما من بره مش طبيعي في الجمال ، المهم انا قاعدة جوه جناح حاجة زي كده المهم كان معايا اهلي وخرجوا كلهم وانا جيت اخرج معرفتش لاننا المفروض في بلد مقدرش اخرج فيها الا بالعباية والطرحة وغطا الوش كمان ، المهم انا مش عارفة اخرج عشان مش لاقية عبايتي حد شايلها في مكان مش عارفة اوصله وانا هتجنن واخرج المهم لقيت واحدة ست منتقبة وشايلة طفل صغير داخلة تاخد حاجة وتخرج وبتفتح محفظتها لقيت زي باكيت كبير مليان حاجات زي شرايح الموبايل لونها اصفر فبقولها ايه ده قالتلي تذكرة الباص قلتلها باص هو في باص قالتلي اه قلتلها فين راحت فتحت الباب وشاورتلي على بعد مش كبير مكتوب كلمة باص قالتلي بس متاخرجيش من غير العباية والطرحة ولسه هسالها تعرفي فين جريت ومشيت وانا هتجنن من الحبسة شوية ولقيت الباب بيخبط بفتح لقيت راجل شكله سمح جدا وبدقن وابيض ووشه فيه نور هادي بقوله مين حضرتك قالي انا زوج السيدة اللي كانت هنا خدي التذكرة دي عشان تعرفي تركبي الباص قلتله اخرج ازاي من غير العباية قالي فكرتي تدوري جوه وبيشاورلي على بقية الجناح ، سكت قالي دوري جوه خالص ، جريت يا ماما في طرقة طويلة اخرها اوضه وانا ماشية يا ماما في الطرقة لقيت كيس بلاستيك اسود بفتحة يا ماما لفيت فيه زي ورقة عرض الاقمية دي عليها عينات قماش الوانه كلها فاتحة وتجنن وجميلة كلها كانها حراير وحاجات كلها ناعمة فرحت بيهم اوي يا ماما وقعدت ادور لكل حتة قماش على حاجة تناسب كل قطعة الاقي اللي يناسبها فرحت المهم كملت مشي لاخر الطرقة بفتح الباب لقيت في الاوضه يا ماما

اطفال بنات على صبيان عمرهم من سن 8 سنين ل 12 سنة كانهم بيبيعوا بيشتروا المهم مسيطرين على الاوضه المهم اول ما ادخلت الاوضه خفت يخدوا مني القماش خبيتوا في الكيس وقعدت اربط الكيس جامد كام عقدة ، قلتلهم كده احسن قالولي اه بقولهم عبايتي وطرحتي راحوا فاتحين دولاب وادونبي العباية والطرحة وقمت من النوم على كده يا ماما.

انا انسة 32 سنة حالتي الدينية متوسطة وان كانت بتقل الايام دي بقت اقل من متوسط ، حالتي النفسية زي زي الزفت يا ماما وحالتي الجسدية مريضة جدا يا ماما وبقوم من السرير بالعافية .

ادعيلي يا ماما اقوم واخف اه وكمان في موضوع الارتباط اللي كنت قلت لحضرتك عليه الموضوع من سئ لاسوء والوضع متجمد حاليا اخر حاجة خناقة كبيرة جدا بينا من كام يوم ومش بنكلم بعض خالص دا ايه يا ماما الحلم ده ، طمنيني الله يبشرك يارب بالخير دايما

الحلم رقم 19
ازيك يا ماما انا كان ليا استفسار من حضرتك
حلمت ان الشاب اللى كنت مرتبطة بيه كان عنده امتحان وقالى انه نجح فيه وكان عمال بيضحك ومبسوط وانا كنت مش فارق معايا مش زعلانة ولا فرحانه علشان نجح

وحضرتك قولتيلى ان الحلم ده هيتعكس وانا مش فاهمة ازاى هيتعكس
والشاب ده انا بعدت عنه علشان طلع مش كويس وكداااب وهو فى اخر سنة دراسة والحلم شوفته بعد قرآة سورة البقرة وصلاة الفجر والحلم كان من شهر
وانهاردة لاقيته بيتصل بيا وانا فتحت وقفلت فى وشه تانى وياترى اللى حصل انهاردة ده ليه علاقة بالحلم

عضوة عدد المساهمات : 63 تاريخ التسجيل : 07/09/2011

السلام عليكم ورحمة الله وبركاته

ماما أنا حلمت إننا اتقابنا أنا وصحباتى تقريبا فى بلد خالتى ويمكن بيتهيأ لى أن فى نفس اليوم حلمت بخالتى وكنت انا وصحباتى منتظرين عربية يعنى اى عربية فاضية عشان نروح بس أنا مش فاكرة هل كلنا كنا رايحين مشوار مع بعض وخلصناه ومنتظرين عربية ولا احنا اتقابلنا فى المكان ده المهم سألونى ايه الأخبار والبنات لما تسأل كده بيكون قصدهم على الجواز وأنا قلتلهم مفيش أو هما شافوا الدبلة فى ايدى وبيقولولى ايه ده انتى اتخطبتى وانا قلتلهم اتخطبت ايه قالولى امال ايه الدبلة دى أنا بصيت لأيدى واستغربت فعلا بالدبلة مش كنت حسه بيها خالص ولا عارفة إنى مخطوبة وبصيت لها لقيت فيها عارفة يا ماما الخواتم الإكسسوار اللى بيبقى فيها حته توسعى وتضيقى الخاتم على قد الصابع لقيتها كده وأظن مفيش دبل بالشكل ده وفيه واحدة زميلتى مخطوبة فعلا وكانت معانا فى الحلم قولتلها ورينى كده انتى دبلتك

أنا آنسة وحالتى الدينية الحمد لله كويسة بس بصراحة مش عارفة الحلم معناه ايه وايه الشكل الغريب ده للدبلة وإزاى مش أكون حاسة إنى مخطوبة يا ترى ده معناه إنى هتخطب لواحد أنا مش عيزاه

الحلم رقم
21
حلمت انى انا وصحبتى الانتيم اننا فى فرح واحده صاحبتنا وشاربين خمر وسيجار وبصراحه كان شكلنا غريب جدا وكنا ماشيين نطوح وكنا لابسين عبايات ولما لقيت اننا كده روحت قولت ليهانمشى ووصلتها على اول الشارع
فصحبتنا العروسه اتصلت بيا وقالت لى انها غيرت الكوافير وانى اروح اخد العريس للكوافير الجديد اللى هى موجوده عنده وانا قولت لها طيب فالعريس مشى قبل ما اروح اقول له فراح بلد تانيه يدور على العروسه والوقت فات وابو العروسه اخدها من الكوافير ومرضاش يجوزهم وروحت قدام الناس وان مش قادره اقف واتحايل على ابوها يجوزهم وهو مش موافق وكله فضل يقولى ربنا يسامحك ومشيت اعيط وانا مش فاهمه ايه اللى عملته
وروحت اطمن على صحبتى تانى فى الحلم لقيتها سابت بيتها ومشت معايا من ورا جوزها وانا مرضتش اكمل معاها وسبتها وركبت تاكسى
الحلم التانى
ودايما احلم ان اختى ضاعت منى وانا شايفه البلد شارع شارع ومش لاقيها خالص وبعيط وفى ست كبيره ومرات ابنها بتصبرنى وتقولى فى ناس رالحت ومش بترجع وبقوم من النوم اعيط وافضل احضن اختى جامد وانا خايفه
انا
انسه 23 سنه مش مخطوبه
صحبتى حامل حاليا وفى مشاكل

ارجوكى طمنينى

عضوة عدد المساهمات : 55 تاريخ التسجيل : 17/08/2011

الحلم رقم 22...........

السلام عليكم ورحمه الله وبركاته...

ازيك يا طنط نجيه.؟

حلمت اللهم اجعله خير ان الحوض مسدود ومليان مايه من الحنفيه والمايه كانت مغرقه المكان اللى انا فيه.........وكان فيه مكان تانى الحوض بتاعه كان مسدود والمايه كانت مالياه بس لسا مغرقتش المكان وانا كنت بتعامل معاه وباخد من الحنفيه بتاعته مايه بحذر علشان متملاش الحوض للاخر وتغرق المكان........

الحلم التانى......

حلمت ان دكتور الاسنان مركبلى درس صناعى وكل شويه يقع منى والدكتور يركبهولى تانى ويقع....ومش فاكره فى الاخر ركبهولى ولا لا؟

شكرا ليكى يا طنط نجية

ازى حضرتك ياماما نجيه الف مليون سلامه عليكى معلشى انا بقالى اسبوع مدخلتش معلشى بقى كالعاده هدوشك واتعبك معايا انا كنت بعتلك حلم بتاع اخت زوجى والعبايه قولتيلى انها هيجلها عريسين بس هى متزوجه وعندها بنتين

الحمد لله كتب:

الحلم الاول

للعضوه الله ربى

السلام عليكم ازى حضرتك ياماما نجيه؟ معلشى بقى بتقل عليكى انا اخت زوجى حلمت انها راحت تشترى عبايه بس المحل لما دخلت قعدت تقول كل الحاجات دى عندى مش حسه ان فى حاجه جديده المهم واحده قالتلها انتى مشتريتيش ليه قالتلها العبايات دى عندى زيها صاحبة المحل طلعتلها عبايه لونها موف مطرزه عجبتها وقالتلها ادخلى قسيها ف لما دخلت تقيسها خافت ومرديتش تدخل البروفه حسه ان فى حاجه مستنياها جوه دخلت تقيس وكان فى ستاره بعد م خلعت هدومها حست ان الناس شايفاها قعدت تدارى نفسها بس العبايه عامله زى ماتكون فستان فرح مش عارفه تلبسه لوحدها المهم اختها ساعدتها ف لبسه وبعد م لبسته لاقته فستان فرح كت لونه موف زى فساتين السهره وكان واسع عليها

حبيبتى اخت زوجك سوف يتقدم لها عرسان ومش هتوافق ولكن فيه شخص هيعجبها ان شاء الله بس فيه شئ هى خايفة منه وعندها سر خايفة حد يعرفه المهم ربنا هيسترها معها واختها هتساعدها على ذلك وهتوافق فعلا بس هتكتشف انه غير مناسب والله يعمل الخير لها

لا اله الا الله سيدنا محمد رسول الله

» تفســـير أحـــلام يـــوم الخمــيس الموافق 29/12/2011
» تفسير احـــلام يوم الأربعـــاء 23-11-2011
» تفـسير أحــلام يوم الجمــعة الموافق 30/12/2011
» تفسير أحلام يوم الجمعة الموافق 16/12/2011
» تفسير أحلام السبت21/1/2011