ازاى حضرتك يا ماما ربنا يديك الصحة ويقويك ويجزيك خير على تعبك - انا الحمد لله باقى لى جلسة كيماوى واحدة يوم الخميس الجاى وبعدها باسبوع هعمل الاشعات عشان نشوف المرض اختفى ولا لسه ادعيلى ياماما انا صحيح قلبى مطمئن لكن ساعات الشيطان بيدخل ويقولى لا لسه كتير على شفاكى بالرغم من ان حضرتك طمنتنى كتير اوى فى احلامى انى قربت على الشفا يارب - انا يا ماما حلمت انهاردة انى واقفة بشترى فلفل اخضر حار وانا واقفة جت واحدة جارة ماما ومعها بنتها اشتروا بردوا بس كانوا بياخدوا كتير وكمان كانوا عايزين ياخدوا فلفل احمر وفعلا خدوا وبعدين روحنا عشان نوزن الفلفل والبياع كان واقف عند باب عمارة ماما وادامه ميزان ولاقيت بنت جارة ماما دى بتفتح الشنطة بتاعتى وتحطيلى فيها بنتجان اسود اللى هو بيتخلل ده ( عروس) وكان كبير اوى وانا كنت مضايقة انها عملت كدا وقلتلها انا هحاسب ازاى دلوقتى والراجل هيوزن ازاى انتى حطيتى البتنجان على الفلفل راحت قلتلى ماهو هعرف والبياع كان فارش ادام باب العمارة ( حرنكش) كتير اوى وكان مقشر شوية وعارضهم بشكل حلو اوى - وخلص الحلم كدا -
