السلام عليكم
انا حلمت حلم غريب ومش عارفه ايه دلالته ياماما
انا حلمت اكنى كنت فى كورس انا طالبه فى الجامعه وبعدين كنت قاعده مستنيه الكورس فدخلت اكن فصل كده طويل اوى اوى فقعدت انا وصحابى فى اخره كنا 3 بعدين جت المدرسه بتاعة الفصل وهى جايه قالت الناس اللى قاعده ورا كل واحده هتاخد عصايتين فلما قربت طلعت مامت واحده كانت زميلتى فى اعدادى وخصمتنا كلنا انا وصحابى من ساعتها بقالها 6 سنين مش بتكلم حد فينا المهم جت مامتها ضربت صحبتى اللى قبلى عصايه وضربتنى انا 3 ولسه عايزه تتضربنى فانا قولتلها حضرتك قولتى 2بس قامت قعدة تتضربنى على ايدى وعلى رجلى كتير اوى فانا شتمتها وجريت وانا بجرى واحده زميلتها لاقتنى ورجعتنى ليها قامت هى واخدانى على المديره وكانت بنتها مستنياها هناك ودخلنا للمديره فالمديره قالت احسن حل فى المواضيع دى هو الصلح فانا قعدت احكى للمديره ان هى ضربتنى وانى دكتوره زى بنتها انا فى كليه صيدله بس زميلتى فى كلية طب وبعدين المديره ابتسمتلى وقالتلى امضى فانا مضيت كتبت حبيبه اللى هو اسم اختى وبعدين المدرسه دى قالتلى حبيبه مين قمت شاطبه وكاتبه اسمى وبعدين مشيت روحت اجيب ولاد خالتى من المدرسه فجبتهم وقابلت واحد قريبى بس مكلمتوش ومشيت دخلت اجيب اختى تانيه كانت قاعده فى اوضه كده فيها مكاتب فانا دخلت اجيبها لاقيت فى موظفه بتسال التانيه هى مين دى قالتلها دى اللى كان متقدملها فلان وقال عليها صغيره قامت قالتلها طب يارب يجعله من نصيبها ويعمل الخير
الولد اللى هى كانت تقصده كان متقدملى ومجصلش نصيب من شهر ونص وانا حالتى النفسيه سيئه الا حد ما
وحالتى الدينيه بصلى وبقرا قران ومكنتش بفكر فى حاجه قبل ما انام
