السلام عليكم ورحمة الله وبركاته
ماما نجية ازيك يا جميلة، وحشتيني جدا ، وبقالي كام يوم مكتبتش احلام ، المرة دي انا جيالك احلام كتير كلها احلام صغيرة ومنهم حلم لمامتي حبيبتي . بصي يا ماما انا حلمت مجموعة من الاحلام الصغيرة جدا ، بس هبدا بحلم بماما
ماما حلمت ان في عربية حلوة جدا من العربيات الكبيرة بتاعة الافلام اللي بتتزف فيهم العرايس ، وعربية دي مكشوفة مفتوحة يعني ن والعربية لونها لبني فاتح وماما عجبتها العربية اوي ، وبقت فرحانه بيها ، قالت الله العربية دي لمين
فصاحب العربية او السواق اللي فيها قالها العربية دي ليكم انتم ، ماما فرحت اوي وقامت من النوم وهي مبسوطة جدا .
نيجي بقى لاحلامي انا حلمت الاحلام دي النهارده قبل الفجر قمت الساعة خمسة ونص اصلي الفجر ، حلمت بالاتي :
الحلم الاول :
حلمت ان انا واقفة في مكان زي البيت في مكان فيه رجال ومكان فيه ستات ، انا كنت في مع الستات وجه وقت الصلاة بس انا مش فاكرة كانت صلاة ايه ، الناس بدات تصلي وانا جريت اروح ادور على مكان اتوضا فيه عشان اصلي وفعلا اتوضيت بسرعة وبدور على مكان اصلي فيه مع الستات جماعة بس سمعت صوت ماما بتزعقلي ومش عيزاني اصلي معاهم بس انا اصريت اصلي وفعلا بدات ادخل في الصلاة .
الحلم الثاني :
حلمت ان التليفون ضرب وبرد عليه لقيت واحد بيسال عن بابا ، فقلتله انه مش موجود ، وقالي طيب قلتله في حاجة حضرتك قالي انا فلان الفلاني انا مسؤل كبير في احدى الوزرات ، قلتله طيب ممكن ادي لحضرتك رقم موبايله تكلمه ، قالي ياريت اديتهوله ، قالي انتي د فلانة ، قلتله لا لسه مبقتش دكتورة لكن ان شاء الله هكون دكتورة في تخصصي وقمت من النوم .
دا ايه دا بقى يا ماما ياريت تطمنيني ياريت
انا انسة 32 سنة حالتي النفسية قلقانة ، مقدمة على شغل ومجاليش رد لغاية دلوقتي ، حالتي الدينية متوسطة وحريصة على صلاة الفجر
