السلام عليكم ورحمة الله وبركاته
حلمت حلمين اول حلم ان في شخص انا معجبة بيه حلمت انه واقف
يصلي جمبي وكنا في صلاة جماعة وهو كان حافي وانا حافية"لاننا كنا في
صلاة"وبعدين كان واقف جمبي في اول صف وكنا ع اليمين وفي ستات كتير اوي
ورانا بيصلوا وبعدين في ست ورانا قالتله يابني مينفعش كدة انزل صلي مع
الرجالة تحت قالها لا معلش انا حقف اصلي هنا جمبها انا عايز اصلي جمبها
بعدها حلمت كأنه هو"حسين فهمي"وانا في بيته كا قصر ومليان خير وعز وكان في
اتنين ستات معايا بس انا معرفش هم مين
الحلم التاني حلمت اني اتكهربت من الخلاط كهربا بسيطة بعدها
لقيت نفسي ع البحر ومعايا الممثل"هاني رمزي"وكنت لافة شعري دوامة قالي ادة
انتي عاملة في نفسك كدة ليه وانا كنت مهمومة لما شوفته فرحت وفوقت وروحت
فكيت شعري ومسيباه ولبست لبس حلو وكان شكلي حلو بعدها في نفس الحلم حلمت
اني في مكان فيه سور معمول بالطوب وكان معايا بنت اسمها رضوي وواحدة اسمها
سالي وواحدة اسمها مني والدنيا كانت تراب وغبار والدنيا مطرت بقت تمطر مية
بالغبار والتراب دة عشان الدنيا تروق فالناس اللي معايا كلهم دخلو اوض
يستخبو من المطر ولقيت نفسي لوحدي بيني وبين الاوض دي سور من الطوب اضطريت
اني اكسره وعديت منه وكان معايا سالي ورضوي ومني ودول اصحابي وروحت وقفت في
اوضة شوية لقيت الدنيا بطلت مطر والدنيا بقت صافية وجميلة
معلش انا اسفة طولت عليكي انا انسة عندي 24 سنة
