ازيك يا ماما نجية
اولا حلمت ان عيد الاضحي خلص وبعديها بكام يوم جه عيد الفطر وكنا بنبيض شقتنا وبنضفها وانا قلت لماما ما احنا لسة عاملين قالت لي هنعمل تاني وبعد كدة شفت نفسي في شقة جميلة جدا ومتركب فيها الستاير بتاعتي اللي احنا ركبناها في شقتنا دلوقتي وبقيت اقول بصي دي وافرجها وتقولي جميلة (وفي الحلم الستاير كانت متركبة اللي هي القطعة اللي فوق بس الشيفون يعني) [size=29]والشقة كلها كانت باركيه وكان فيه سفرة ونيش تحفة[/size] وماما قالت لي ده كدة شكلها تحفة بس في الحلم كنت عارفة ان هي شقة المذيع ايهاب صالح هو ومراته وشفتهم ووكمان في الحلم خالي جه عندي في الشقة دي وانا كنت عاملة ايس كريم فقلتله احطلك انا اللي عاملاه فقال لي هاتي وكان معاه صاحبه فحطتلهم وانا كمان كلت منه وقلت لبنات خالي احطلكم موافقوش واحدة بس اللي وافقت وانا كان معايا شنطة فيها كريز كنت بحط منها علي الايس كريم فبطلع الكريز علشان احطلها لاقته اخضر فدورت علي واحدة حمرا علشان احطلها ولاقيت وحطتيهلها
وانتهي الحلم علي ذلك اسفة للتطويل
الحلم التاني بس ما تكوني اتضايقتي مني يا ماما نجية انا اسفة
حلمت اني كنت مع محمد قماح الفنان وركبنا طيارة وبعد كدة جينا هنا وكنا رايحين شقتنا القديمة كأن اهلي قاعدين فيها وكان ماسك ايدي وكأننا كنا رايحين حفلة بليل وانا كنت خايفة وفضلت ابكي وهو كمان لما لاقني بكيت فضل يبكي ويقولي متخافيش انا جمبك فلاقيته بدأ يعجب بيا ولاقيته بيقرب عليا راح حد نده عليا
وخلص الحلم علي كدة
مع العلم لم اكن افكر في محمد قماح ابدا انا اصلا مبحبوش
