حلمت انى كنت باخد دورة icdl فى الكمبيوتر ولقيت صحبتى فتحية اشترت الورق بتاع الامتحان قولت لها ماستنيش نروح نجيبه سوا قالت احنا كنا هناك وجبنا فروحت انا وامى والرجل اللى هناك قالى تعالى بعدين خدى باقى الورق وبعدين روحنا مكان زى الفصل فى مدرسة وكان اللى بيدربنا واحد اسمه هانى (كان جايب لى عريس قبل كده )وبعدين انا كنت قاعدة مشغولة وبعدين نادى عليا بيسالنى عن سؤال على السبورة وكان راسمين مخين وقالى ايه اللى يفرق المخ الاول عن التانى قولت له هى حاجه موجودة فى الاول ومش موجودة فى التانى فانا مسكت الورق وببص فيه لقيته قالى basal point يعنى النقطة القاعدية فقولت له على فكرة انا كنت علمى علوم
وانا نازلة شوفت منى وبصيت فى ايدها لقيتها لابسة دبلة دهب (المفروض انها مخطوبة للشخص اللى بتمناه بس مش عارفه هى تمت الخطوبة ولا خصوصا انه مش موافق) وبعدين قولت لامى الخطوبة تمت علشان منى لابسة دبلة دهب امى تقولى لا فضة وقعدنا انا اقول دهب وهى تقول فضة واحناكنا فى المدرسة لقيت علياء صحبتنا وبقول لها يا ماما علياء اللى هى شبه خالتى منال وبقول لعلياء اتكلمى علشان ماما تعرف ان صوتك زى صوت خالتى منال وشوفت زينب بنت خالتى( مش مخطوبة). وكانت حامل قولت لها ياعلياء بنت خالتى وكمان شهرين نقول لها يا ام عتريس كنا بنهزر .بس واحنا مروحين كنت ماشية مع حد مش فاكرة كنت حافية ولابسها جلبية بيت لبنى بس مش نظيفة مش عارفة اللبس ده جالى منين
هو اللى باين من الحلم ان خطوبته تمت وكده خلاص مش حيرجع تانى.انا خلصت icdl ونجحت فيها
