السلام عليكم ورحمة الله وبركاته ازيك يا امي كل سنة وانت طيبة .. وبعتذر عشان طول الحلم ,, انا كنت حلمت خير اللهم اجعله خير ان انا واختي ف اسكندرية (احنا اصلا من سكان القاهرة ومش بنروح اسكندرية إلا نادرا ) المهم كنا زي نازلين من فندق كده وكنا مستعجلين رايحين مشوار فانا شفت زي عربية جاي من بعيد فقلت لاختي ده تاكسي وقفيها بعد ما العربية ما وقفت طلعت مش تاكسي كانت عربية ملاكي عادية بس استغربت ان صاحبها وقف عادي واتسغربت اكتر ان اختي ما اعترضتش وركبت لا وكمان ركبت جنب السواق السواق بقى كان شكله مريب وكان راجل عجوز وشكله زي المجرمين وانا جاية اركب طبعا ركبت ف الكنبة اللي ورا فوجئت ان مرمي ع الكنبة اللي ورا 3 شنط حريمي فانا خفت منه قووووووي وبعدين لاقيته طلع زي ازازة ريحة بيرش منها ف العربية انا بقى مش عارفة اتصرف لانه جه ف بالي انه بيرش مخدر لاقيت نفسي ماسكة شنطة من الشنط اللي جنبي وعمالة اضربه اضربه ع دماغه وسبحان الله لاقيتنا وقفنا قدام نقطة شرطة فاصريت اني انزل واعمله محضر واختي كانت خايفة وعمالة تقولي لا بلاش ممكن يأذينا وانا اصريت ودانا بنزل من العربية وبجرة لاقيت ظابط بيقولي ف ايه؟ اختي قعدت تحكي له ولاقيت واحدة بنت لابسة اسدال بني واقفة بتعيط عشان بنت عمها مش لاقينها وبصيت ف العربية ولاقيت شنطت بنت عمها وقعدت تحلف انه هو اللي خطفها انا بقى دخلت جوة القسم وعملت له محضر فعلا ... وبعدين مشواري كان اني ألحق الممثلة هند صبري عشان انا كنت شغالة معها بنعمل زي لقاءات مع ناس مشاهير وكان لقاءنا مع الاذاعية امال فهمي وكان اللقاء ع البحر واحنا بنجري عشان نلحقها انا وهند صبري لاقيت االمساعد بتاعها شاب كده قالي احمدوا ربنا انها وافقت تقابلكوا انتوا اقل كنتوا تحلموا تقابلوها واحنا قاعدين بنتكلم معاها لاقينا المشير طنطاوي جه مخصوص وسلم علينا انا وهند صبري انا استغربت قوووووووي من سلامه وتحيته لينا واستغربت اكتر ان كان المفروض ان الناس اللي قاعدة تقوم وهي بتسلم ع المشير يعني نديله هيبته بس محدش قام وانا كمان مقمتش زيهم وكنت حاطة رجل ع رجل وهو ما استغربش وكان مبسوط وبيضحك عادي بس وانتهى الحلم
انا يا امي مش متزوجة ولا اعمل وبصلي الحمدلله وبستغفر ع طووووووووول الحمدلله بس نفسيتي تعباااااااااااااااااااااااااااانة قوووووووي
