السلام عليكم ورحمة الله وبركاتة
دى استخارة رؤيا انا شفتها قبل الفجر ...... انا بتعبك معايا ربنا يجعلة فى ميزان حسناتك ويسعدك فى الدارين
كان فية تلميح بخطبة من والد الخطيب لخطبة بنتى وهى صغيرة 13 سنة
شفت انى فى مكان واسع ومظلل مثل مظلات مواقف السيارات بس المكان دة بيت وشفت مامتة واقفة جنب حبل زى حبل الغسيل وماساكاة بايدها وقربت منها ومسكت الحبل وسابت الحبل ومشيت معايا وبتقولى احنا خطبنا لية واحدة من بلدنا وطلبت مننا طلبات يعنى الفستان ب 36 مليون وقالت لى على بعض طلبات كلها كدة بالملايين انا نسيتها دلوقتى وقلت فى نفسى انا ح تكلم بصراحة مش بنية الافساد وقلت لية كدة دة انا لما اتجوزت كنت بتساهل فى الطلبات وقلت امثلة بس مش فاكراها دلوقتى وشفت وانا بكلمها زوجها اللى هو والد الخطيب والخطيب كل واحد قاعد على كرسى وقدامهم زوجى بيشوى شرائح لحم على الكانون وكلمت زوجها زى كلامى معاها ومشينا كام خطوة وانا بفكر اعمل لهم عشا وكان فية ستات قاعدين فى اودة ومعاهم اختى بتشوى بطاطا حلوة بس مش بتنضج وكنت بتمنى انى الاقى حاجة اعشيهم ورجعت تانى ناحية المكان اللى فية زوجى وكان معاة قطعة اللحم مشوية كويس وفية قطع تانية وبتمنى ان لو كانت اللحمة تكفى للعشا
ملحوظة : والد الخطيب ايامها انتهى عملة واشتغل فى مكان تانى دلوقتى.... واختى كانت حياتها مع زوجها فية مشاكل
وفية رؤيا تانية
شفت ان والد الخطيب واقف فى اودة وانا اسفة يعنى كان بيرجع الاكل ووالدتة(اللى هى مامة الخطيب) واقفة تراعية وشافتنى فقالت لى احنا ح نروح لكم بس لما يخلص (قصدها على زوجها لما يخلص ترجيع)
Download: eTyp
e1.com/f.php?FQ01M7
ك
