السلام عليكم ورحمة الله وبركاتة
اتمنى من الله ان تكونى يا ماما فى افضل حال واسأل الله لكى الصحة والسعادة فى الدارين
دى رؤيا شفتها الفجر معرفش قبل الاذان او بعد الاذان مباشرة
شفت انى سايقة عربية صغيرة (انا فى الحقيقة مش بعرف اسوق)وكنت فى الشارع فى اتجاة وشفت عربية ماشية فى اتجاة مقابل ليا لكن بجوار منى وسمعت ندهه ومش ندهه باسمى وكأن اللى بينده بيقول اى كلمة عشان ميعرفش اسمى يعرف شكلى بس وقفت العربية ونزلت ورجعت تقريبا خطوة لقيت فى العربية بنت صغيرة ولابسةبلوزة بيضا وجيبة سودا شيك اوى(البنت دى كانت بنت جيران لينا بس من زمان مشفتهاش ومعرفش عنها حاجة كانت عندها تخلف عقلى شوية كدة وشكلها مختلف عنا شوية لكن كانت محبوبة)لكن فى الرؤيا كانت اصغر من الحقيقة واحلى بكتير وكان اللى سايق العربية اللى فيها البنت كان عسكرى وسألتة انتى اخدها لية قال لى قالت كلام لا يجوز (قصدة كلام فى السياسة) قلت لة دى لابسة شيك وشكلها بقى احلى صحيح لكن دى مينفعش تاخد بكلامها ووقفت اقنعة كتير واقول شايف راسها (هى راسها كبير ) وهو مش مقتنع واتصلت تليفون بحد كنت عايزة الاقى ليها حل ومنفعش وحسيت بيأس انى اقنعة وركبت عربيتى لكن مش هاين عليا امشى بالعربية واسيبها وانتهى على كدة
ملحوظة:كل الكلام اللى سمعتة وقلتة اللى فاكراه المعانى والاحساس بالمعنى
اليومين دول عندى احساس ان فية سحر اتعملى او حسد
