حبيبتى انا عندى بس منامين قصيرين
المنام الاولانى
خير ياااارب انى زى ما يكون كنت جاهزة ولابسة واتفاجئت ان الباص اللى بيوصل موظفين الشركة اللى بابا بيشتغل فيها مستنى تحت بيتنا وكان مستنينى عشان اركبه وكنت مستغربة جدا ان باص المخصوص بتاع الشركة كان واقفلى تحت ومستنينى فلقيت بابا بيقولى متتأخريش عشان مش يستنى كتير وانا خلاص كنت لابسة وكان معايا بنت ساعتها معرفهاش ومكنتش ماشية معاها اصلا فانا نزلت قبلها وسبقتها وركبت الباص ولما فتحته لقيت نبوية وهى موظفة بتشتغل هناك روحت مسلمة عليها وركبت جنبها والباص مشى بينا ومش استنى البنت بس انا مش حطيت فى بالى اوى لانى معرفش البنت دى اصلا
المنام التانى
احب اوضح توضيح قبلها بس انى من شهر باين كنت دخلت محل لبس وشفت كام جاكيت كده وعجبنى ازواق المحل وخرجت وكنت مجرد بتفرج ومش حاطة فى بالى اصلا المحل ده ولا اللى فيه
المهم امبارح بقا شوفت خير ان فيه حد جايبلى هدية عبارة عن جاكيت جميل قال ايه كان عاجبنى فى المحل ده واللى جايبلى الجاكيت ده بيقولى انتى مش كان نفسك فيه قلتله اه ده جمييييييييييييييييييل وشكله مدلع كده وكان عاجبنى اوى ...قالى خلاص ادينى جبتهولك اهو وخدته منه ....ومش فاكرة مين اللى جابلى الجاكيت وغالبا هوه حد معرفوش
