موضوع: 1 فستان الزفاف في الحلم الأربعاء 2 نوفمبر - 23:56
السلام عليكم يا ماما نجية الغالية اختي حلمت الحلم دة هي حلمت ان انا يوم حنتي وفي ناس كتير اوي عندنا في البيت وانا كنت مضايقة من كترهم لاني مش عارفة البس براحتي ولا احط مكياج وكدة وبعدين دخلت هي عليا انا قلتلها ايه رايك في الفستان دة الي هلبسه في فرحي وكان فستان ابيض فيه تطريز كتير اوي ومش حلو فقالتلي اه حلو بس هي من جواها كانت بتقول لا مش حلو وانه مش زوقي اصلا ازاي انا جبته وبعدين انا جبت كل واحد من المدعوين في الحنة واوريهم الفستان وكلهم مستغربين اني ازاي جبت دة وهو مش زوقي خالص بس بيجاملوني عشان مزعلش بيقولو حلو المهم تاني يوم الي هو يوم فرحي الكل اتفاجىء اني لابسة فستان تاني وهمي وحلو اوي زي فستان الاميرات فاختي بتقولي ايه دة احلى من التاني بكتير فقلتلها انا اصلا كنت عملاه فيهم مقلب ومأجرة الفستان الاولاني دة ب 200 جنية مخصوص عشان اشوف رد فعلهم ايه وكلهم كانو مبسوطين بشكلي وبالفستان الجميل بتاعي وبس ارجو التفسير يا ماما نجية علما بان فرحي في شهر 12 باذن الله ومش هعمل فرح بس هلبس فستان الزفاف واتصور انا وعريسي اختي 24 سنة ومكتوب كتابها وانا 25 سنة ومكتوب كتابي وعلاقتي بربنا الحمد لله وعلاقتي بزوجي كويسة الحمد لله بس عندنا ضائقة مادية كدة شوية
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: 1 فستان الزفاف في الحلم الخميس 3 نوفمبر - 21:41
حبيبتى ان شاء الله ربنا سوف يتم لك فى خير بس فيه مشكلة بسيطة وان شاء الله ربنا هينصرك فيها وهيتم زفافك وربنا هيعلوا قدرك باذن الله والله يوفقك
