رأيت فى منامى بعد صلاة قيام الليل انى اتحدث لرجل وكان طويل القامه وكان بيسألنى على اسئله كأنه مدرس ولكنى مش متزكره فى اى ماده يدرسها ولا فاكره الاسئله
المهم كان بيسألنى وانا بجاوب بس باخد فتره على ما ارد علشان الدرس مكناش لسه خدناه
المهم كنت فرحانه انى واقفه جنبه اووووووووى خصوصا انى بحب طوال القامه
وكان لون بشرته سمراء ولكن مش داكنه يعنى قمحى ولكنه كان رجل شخصيته جيده بالنسبالى فى الحلم
المهم بعدها لقيت نفسى بكلم واحده صحبتى وعماله اقولها على فرحى ولازم تحضرى بس مش فاكره الكلام وفجأه لقيت فستان زفافى وكان لونه ابيض وجمييييييييييييييييييييييييييل جدا لدرجه ابهرتنى وكان نفس الموديل اللى بحبه واللى نفسى البسه يوم زفافى بأون الله وهو موديل السمكه اللى ديله زى السمكه دا وكان بصراحه خطيييييييييير انا حسه فى الحقيقه لو موجوده هيكون غالى جدا جدا
المهم كنت فرحانه بالفستان جدا
وبسسسسسسس مش فاكره باقى اللى شفته بس أعتقد ان دا نهاية الحلم
بس لما صحيت عماله اقول لنفسى ان الفستان يادوب كان مقاسى وطولى مش اطول ومش واصل للارض معنى كده انى هتزوج من رجل مثل طولى ومش طويل
وانا نفسى بجد اتزوج من رجل طويل القامه وكنت قبل مانام فى صلاة التهجد كنت بدعى ربنا انه يرزقنى بالزوج الصالح ولو ربنا كتبلى انى اتزوج واحد فيه حاجات مكنتش اتمناهه زى الطول او القصر مثلا يرضينى بيها واكون فرحانه مش ازعل واكون متقبله طوله لو كان مش طويل
معنى كده ان الفستان كان يادوب لحد رجلى مش وصل للارض يعنى هتزوج من واحد مش طويل او طولى مثلا ولا ليس بطول الفستان اى علاقه بالعريس مثلا لو كان تفسير الفستان انه زوج؟؟؟
وهل الفستان الابيض حاجه حلوه فى المنام ام غير زلك لان اسمع ان الفستان الابيض مناسبه غير ساره
انتظرك غاليتى تجيبينى وترضى فضولى
لا تغيبى عليا الله يرضى عليكى
