انا حلمت اني هسافر امريكا و كنا في البيت هننقل لبيت تاني وكنا عمالين نلم العفش و قعدت اجهز هدومي عشان انا هسافر لوحدي وكنت زعلانه عشان عيلتي هتوحشني
و بعدين شوفت اني كنت بفك السرير مع بابا
و بعدين شوفت نفسي في الطياره و ماما كانت جايه توصلني
ووصلت امريكا و كنت مقيمه في غرفه كبيره كدا زي الاستديوا كدا و كان معايا 3 بنات سعوديات منهم واحده حبتني اوي وكانت قريبه مني
حتي وانا بتكلم معاهم هيا اللي كانت بترد عليا
فكنت بحكيلهم انا ماما وبابا كانو شغالين في السعوديه و ان ماما كانت دكتوره في مستشفي اسمها مستشفي الملك فهد التخصصي فقلتلهم الي في مدينه اسمها بريده وسالتهم حد يعرفها
فالبنت اللي كانت قريبه مني دي قالتلي اه انا منها وكانت فرحانه اوي وانا كنت عماله ارتب حاجتي في الاوضه
بس كان جوايا احساس فرحه و خوف و اشتياق
وكان في في الاستديوا 3 سراير 2 كبار وواحد صغير فانا جه في بالي اني هاخد السرير الصغير واسيبلهم الكبار
وتقريبا انا كنت مسافره بعثه او شغل مش عارفه بالظبط
انا انسه 24 سنه
