=purple]]انا حلمت يا ماما اني مسافرة رحلة مع الجامعة وبعدين وانا راكبة ف اتوبيس الجامعة لقيت ابن زميل بابا واقف فبقوله هو انت ابن فلان فقالي اه فقولتله انا بقى بنت فلان زميل باباك ,, المهم بسلم عليه عشان ارجع اقعد مكاني فلقيته فضل ماسك ايدي وجه معايا ورا وقعد شوية وقالي انا هجيلك كل شوية ,, بعدين انا افتكرت حاجة نسيتها فنزلت لبابا عشان اجبها فهو جه معايا وفضل ماسك ايدي كأني زوجته بالضبط وبابا خد باله بس متكلمش ,, بعدين فجأة لقيت نفسي مع بابا وماما وسمعت بابا بيقولها دول مرتبطين ببعض اوي دا انتي لو كنتي شفتيهم كنتي هتتأكدي من كلامي (هو قصده انا والشخص دا) .. بعدين نزلت مع ماما فدخلنا محل فيه دهب وفضيات وحاجات شبيهة فهي كانت بتشتري حاجات ولقتها بتقولي شوفي الدبلة فقولتلها مش اما يبقى فيه حد يبقى اشوف فقالتلي شوفي وبس ,, المهم جربت دبلة بس كانت كبيرة وانا قلت عادي اي دبلة هختارها هبقى اضيقها عشان تبقى مقاسي ومشيت من المحل ومش اشتريت حاجة وبعدين واحنا ف طريقنا لمحل تاني لقيت محل لبس سواريه فقولت لماما تعالي ادخل اشوف طقم لفرح اسراء صحبتي فدخلنا وماما عجبها طقم بس انا قولتلها دا ضيق اوي وبعدين طلعنا من المحل ....
دا حلمي مع العلم حضرتك اني انسة وان الشخص دا شوفته مرتين بس او ثلاثة ومن بعيد ومن فترة كبيرة جدا جدا ومش بفكر فييييه خاااااالص[/size]
