ازاى حضرتك ياماما ربنا يديك الصحة والعافية ويفرح قلبك والف الف مبروك لسارة ربنا يتمم لها على خير ويرزقها بالذرية الصالحة السليمة ويفرح قلبها يارب - جوزى هو اللى حلم الحلم ده - هو شاف عرسة بتجرى فى السقف وشايلة عيالها فى بقها وبعدين راحت رميتهم عليه - وخلص الحلم بس هو بيقول انه قام مفزوع لما اترميت عليه العرس فى الحلم - وانا ياماما حلمت ان اخوى بيخبط على البلكونة بتاعتى وجوزى فتحله وسلم عليه وانا بقول لاخوى ليه طلعت من البلكونة قالى عشان لاقيت الباب تحت مقفول قلتله طيب كنت ندهت لان لو حد شافك فى الشارع كدة ممكن يفتكرك حرامى لانى مفيش حد يعرف انك اخوى هنا راح قالى ماشى حصل خير بقا روحت انا دخلت البلكونة اشوفه طلع ازاى لاقيت ستارة البلكونة مخلوعة وفيها مشابك قلت الستارة وقعت عشان هو كان بيسند عليها وهو طالع اعدت الم المشابك ولاقيت الجيران اللى جنبى بنتهم هتتجوز وعايزين منفضة روحت اديتهم منفضة كانت عندى فى البلكونة بس هى بتاعتهم اصلا- وخلص الحلم على كدة - اخوى متجوز وعنده ولد -
