السلام عليكم ورحمة الله وبركاته
ازيك يا ماما نجية ايه الاخبار ، بصي يا ماما دول حلمين خاصين بيا واحد حلمي انا والتاني حلم خالتي ليا
الحلم الاول :
حلمت قبل اذان الظهر على طول ، ان انا راكبة عربية مع ماما ، وماما كانت سايقة وفجاة قولتلها ماما بدلي معايا انا عايزة اسوق ، قالتلي هتعرفي قولتلها اه هعرف وفهلا بدلت معاها وركبت مكان السواق وفعلا دورت العربية عشان اسوق بس الكرسي بتاع السواق مش مضبوط كان حد اكبر مني مش طايلة البنزين والفرامل ، يادوب لامساهم بالعافية ، ماماقعدت تقولي هتعرفي تسوقي كده ، قلتلها اه وفعلا سقت العربية لغاية ما وصلتالمكان اللي احنا رايحينه وقمت من النوم على كده .
الحلم التاني :
خالتي حلمت الحلم ده من بعد صلاة الفجر لغاية الساعة 7 الصبح ،حلمت ان ماما عاملة فرحين ورا بعض ، وهي خالتي في الحلم بتقول ايه دي مامتي ابله فلانة عاملة فيحين الفرح الاوللاني فرح اختي المخطوبة ، وامال التاني فرح مين ، قالت يبقى فرحي انا لان مامتي كانت زعلانة اني لسه متجوزتش اهو ربنا راضاها والاتنين اتجوزوا ورا بعض .
طمنيني يا ماما نجية ، دا ايه ، انا انسة 32 سنة مقدمة في شغل ومجانيش منه رد ، نفسيتي تعبانة جدا ، حالتي الدينية متوسطة ، خالتي انسانة طيبة جدا وقريبة من ربنا واحلامها دايما بتحقق .
