ازيك يا ماما نجيه ربنا يريح قلبك ويفرج همك ويكتبلك السعاده ويحققلك اكتر مابتتمنى
حلمت يا ماما نجيه اننا متجمعين فى بيتى انا وجى جى اختى وماما وشيماء اختى وجى جى لقيتها رتبتلى التسريحه ومخلياها شكلها حلو اوى ومنوره نور شكله حلو ومنزله الستاره على الشباك وبعدين انا فتحتلها دولابى وقولتلها شوفتى فى قمصان نوم مش لاقياها قالتلى معلشى هاتجيبى كتير غيرها وبعدين خرجنا فى الصاله راحت جى جى منوره نجفه صغيره فى مدخل الباب شكلها حلو اوى قولتلها ايه ده انا اول مره اشوف النجفه دى واول مره اعرف ان مفتاح النور ده شغال بعدها جوزى جه من الشغل وكانت جى جى هى اللى طبخه الغداء كانت عامله فته وارز ولحمه وكوارع وشوربه وانا قولت فى سرى طول عمرك يا جى جى لكى طريقه فى التقديم حلوه اوى . راحت ماما قالتلى اجهز الاكل لجوزى وحضرنا بس جى جى لقيتها زعلانه قولتلها ماتزعليش ماما هى اللى قالت نحضرله الاكل علشان لسه جاى من الشغل انا عارفه ان انتى مستنيه امنيه صاحبتك علشان تتغدى معانا وانا كمان هاستناها معاكى راح جوزى ماكملش اكل لمالقانا مش هاناكل بعدها قعدنا فى الصاله وفتحنا الشباك فشوفنا عربيه نصف نقل كبيره فيها جهاز عروسه وفيها العروسه قاعده بس العربيه دى كانت طايره مش ماشيه على الارض وانا بقولهم بصوا اهى العروسه راكبه مع الجهاز بتاعها مش زى جيت لوحدى والجهاز جه لوحده جى جى قالتلى خلاص بقا اهو يوم عدى وخلاص وكان يوم حلو وبعدين طلعنا اكياس سبوع وقعدنا ناكل كلنا فعدت واحده شحاته بس ماحدش اداها حاجه علشان ماكنش معانا غير السبوع وهى كانت ماشيه زعلانه علشان ماحدش اداها روحت انا ندهتلها وادتها سودانى اخدته وهى بتاكله وقع منها كم واحده روحت ادتها تانى وقعدت اعدلها لغايه رقم 18 وانتهى الحلم على كده
ارجو الالتزام بتكبير حجم الخط ( تم التعديل ) .. الادارة
