حبيبتى انا شفت خير يارب منام يضحك شوية حبيبتى انا الاول عايزة اوضح حاجة انا ان شاء الله هبدا دراسة اول شهر 11 كده اللى هى سنة التمهيدى المهم شفت خير يااااارب انى رايحة الكلية عشان ابدا دراسة ورايحة عادى باللبس العادى بتاعى اللى عندى والغريب انى كنت رايحة وواخدة مخدة من عندنا فى البيت اه والله مخدة هى مش جديدة بس من بتوعى اللى بنام عليهم على سريرى دول وبعدين دخلت بيها الكلية وكان اصحابى بيتعاملوا معايا عادى وولا مستغربين انى شايلة مخدة ولا حاجة وكانت المخدة كبيرة شوية وكنت محتاسة بيها حبتين بس فى نفس الوقت مش عارفة اسيببها وبعدين قابلت اتنين صحابى واحدة اسمها بسنت والتانية الهام (الهام دى متجوزة) وقعدت احضن فى بسنت جااااااااااااامد لانى بحب البنت دى اوى وصاحبتى من ايام ثانوى والهام بقا جت حضنتنا احنا الاتنين وفضلت حاضنة الاتنين فترة طوييييييييييلة والمفروض انى هتجول معاهم فى الكلية بقا وكان فى الكلية زى ما يكون سوق عايزين نتجول فيه ونوريه لالهام صاحبتنا بس المخدة كانت مخليانى محتاسة ومش عارفة اتجول فى الكلية بسببها على طول شايلاها فقولت فى بالى طب ما انا كان ممكن اجيب مخدة صغيرة من اللى لونهم احمر وعلى شكل قلوب او اشكال اللعب دى واهى مش هتاخد حيز بس قلت فى نفسى نهم مش هيريحونى فى النوم زى دى وان المخدة اللى معايا دى اينعم طويلة وتعتبر شيلة بالنسبة ليا بس هتريحنى اكتر لانى مجربة النوم عليها وعارفاها وبعدين لقيت واحد زميلنا من ايام ابتدائى مش عارفة ايه اللى جابه ده فبقوله تاخد تشيلى المخدة دى على بال ما الف فى الكلية مع اصحابى ونشوف بس حالنا وكنت محتاسة اخر حوسة بالمخدة بس برررررده مش قادرة اسيبها خاااااااالص ....والنبى يا ماما ما تقوليلى هتبداى السنة الدراسية نوم هههههههههه انا اساسا اقدمت على الدراسة عشان هتشغلنى بدل الفراغ ده (:(:
