رقم 9:
السلام عليكم ورحمة الله وبركاته
ازى حضرتك؟
يارب تكونى بخير وسلااااااااااااااااااااام
انا عندى حلم غريب شوية:
انا حلمت انى فى دور عالى شوية متهيالى فى الدور الثانى لعمارة وبعدين
ركبت فى اسانسير وضغطت على رقم واحد عشان انزل وانا نازلة فضلت ماسكة فى
الاسانسير وكنت خايفة شوية و فضلت اقرا سورة الفاتحة وسورة الاخلاص كزا
مرة..
وكل شوية الجزء ده يخلص ويتعاد تانى من الاول يعنى كانى ركبت الاسانسير تانى واضغط على واحد وهكذا..
وبعدين فى اخر مرة دوست على رقم واحد ومسكت فى حديدة فى الاسانسير ونزل
بيا وهو نازل قلت الفاتحة كاملة وسورة الاخلاص كاملة وكان ساعتها الاسانسير
وصل للدور ففتحت الباب وكأنى طالعة وشفت بابا العمارة .
بس وقمت من النوم
مع العلم انى كنت مخطوبة قبل كده وانفصلنا ..
وفى نفس وقت الحلم كان متقدملى واحد بس الموضوع اتقفل بسبب عدم موافقة والده..
بالله عليكى طمنينى
ده معناه ايه؟؟؟؟
