السلام عليكم ورحمة الله وبركاته
ازيك ياماما نجية وايه اخبارك يارب تكوني بخير
انا بعد الفجر النهارده قرات سورة البقرة كاملة الحمد لله وبعدها مباشرة نمت فحلمت بامي وخالتي وان خالتي بتسال امي بتقولها هيه دخلة اسماء(انا) امتى وماما بتقولها لسه مش عارفين هوه العريس كيميائي وماما بتقولها مانتي فيه 2 ستات هيموتوا ويخطبوها فقالت لها اه والله دا هيموتوا عليها وصحيت من الحلم على صوت ماما
بعدها نمت تاني حلمت بقه بحلم او تقدري تقولي كابوس حلمت اني ماشية بالليل في شوارع ضيقة وبيوت صغيرة بالطين حواليه وببص لاقيت قدامي واحدة ست شعرها طويل وابيض ولابسة عباية او فستان كده ابيض وماشية ف الضلمة وفي واحدة ماشية وراها لانها ساحرة وسحرت الست اللي ماشية وراها دي فانا خفت وفضلت اجري ودخلت ف بيت كده وبحاول استخبى منها وكانت كل شوية تظهر وتختفي من مكان لمكان وطلعت من البيت وانا اجري وخايفة تكون شافتني بصيت لاقيت ست عجوزة قصادي فجريت عليها اقولها وبعدين عرفت ان دي الساحرة او العفريتة بس متنكرة فحاولت اني اموتها ومسكت رقبتها عشان اخنقها بس ماقدرتش زي ماتكون سحرتني وماعرفتش اضم ايدي على رقبتها وصحيت من النوم مفزوعة وانا بحرك ايدي
اسفة طولت عليكي وربنا يديكي الصحة
انا انسة مش مخطوبة
