حبيبتى انا امبارح شوفت كانى واقفة على كوبرى كده وبقول لنفسى انا بقا سنى 140 سنة ومش هعيش قد اللى عيشته تانى يعنى مظنش انى لسه قدامى 140 سنة كمان وقلت يااااااااااااااارب اتخطب على نهاية السنة دى كده وبعدها روحت المدرسة بتاعتى لما كنت فى ابتدائى واعداى لانها كانت قريبة من الكوبرى ده يعنى يدوب نزلت من سلم كده على الكوبرى وروحتها والمدرسة دى كان فيها كل الناس اللى بيشتغلوا مع بابا فى نفس شغله وبعدين وانا طالعة على السلم ورايحة الفصل بتاعى وكانى كنت بدات سنة دراسية جديدة يعنى طلعت سنة جديدة وكنت طالعة على السلم وكان كل زمايل بابا موجودين فى المدرسة دى وكل الموظفين موجودين زى ما يكون هما اللى بيشتغلوا فى المدرسة وانها مكان شغلهم المهم يعنى وانا طالعة على السلم لقيت مهندس بيشتغل هناك وزميل بابا وهو متجوز راجل كبير يعنى واسمه محمد سعد مقابلنى على السلم ومبتسملى كده وكان ساعتها فى ايدى سندوتش جبنه نستو سايحة كده وطعمها لذيذ وكنت باكله وكان السندوتش مليان جبنة فهو بص للساندوتش اللى فى ايدى كده وابتسم فانا اتكسفت ودرايت السندوتش منه عشان كان السندوتش كبير ومش عايزة حد يشوفه معايا يعنى مكانش يا ماما بالحجم الطبيعى لاء ده كان ضخم لدرجة انى كنت ماسكاه بايدى الاتنين وبعدين طلعت الدور اللى فوق على اساس ادخل فصلى لقيت فى سنة تالتة اعدادى وفصلى كان 3\2 .....الا صحيح يا ماما ايه حكاية انى بقول انى عندى 140 سنة دى ودعوتى انى اتخطب اخر السنة دى احسن اموت قبل ما اتخطب لانى فى الحلم كنت معتقدة انى سنى بقا 140 سنة ومش هعيش كتير بعدها فلازم ارتبط بقا قبل ما يوصل سنى ل 200 سنة !!!!!!! انا خايفة من المنام ده اوووووووووووووووووووووى
معلش يا ماما فى منام كنت شفته ونيست اقولك عليه
حبيبتى شوفت روحى راكبة مع بابا واخويا فى عربية واحدة وانا راكبة وره وبعدين كنت زى ما يكون قاعدة بفتكر ذكريات مضايقانى فلقيت دموعى بتزل على وشى بكثرررررة بس الغريب انها بكثرة ومش قادرة اوقفها وكانت نازلة من غير بكاء قوى ولا صوت صحيحي انا كنت ببكى بس مش بكاء واضح بكاء هااااااااااادى جدا فلقيت ايهاب اخويا بيقولى ايه الدموع دى قولتله لا ده انا عينى بس تعبانة وكانت الدموع نازلة كتير لدرجة انى استغربت وفضلت امسحها بمناديل وحصلت شوية احداث فى الحلم حساها لخبطة انتهت باخر مشهد انى زى ما يكون سامعة اخويا بيتكلم مع اختى عن بسيونى وبيقولها ده عنده اراضى كتيييييير واملاك كتير فى بلده بس موضوع خطوبته القديمة ده عمله صدمة وكان خلاه مش عارف يقف على رجليه ولا عارف يمشى كويس فترة وانا كنت ساعتها قاعدة وزى ما يكون متعلقلى محاليل فى ايدى فيها دوا وبسمع الكلام ومش عايزة اقاطعهم عشان اسمع باقى الكلام وخلص الحلم على كده
