حلمت اني اتجوزت بس معملناش دخله وزوجي سافر معرفش فين وانا خرجت اتمشى
وفي كل حته بروحها بساعد حد وبيشكروني وفيه بنت وهي ماشيه مع صحباتها قعدت
تشاور عليا وتقولهم البنت دي ماشاء الله عليها رغم انها نحيله بس ساعدتني
وقعدت تمدح فيا والبنت دي وصاحباتها كانو مليانين شويه وانا ماشيه في
طريقي ببص بلاقي نفسي بجد نحيله بس هدومي طويله وساتره على نحولتي وشويه
بلاقي نفسي لبسه ترينج بتاع الرياضه وبجري على البيت في طريقي بلاقي وحده
جارتنا قدام بيتها لابسه البرنص بتاع الحمام وبتلوح بايديها لحد قلتلها
افتكرتك بتلعبي رياضه كنت حبعت والدتي معاكي تلعب رياضه هي كمان قالتلي
انت مش صايمه الايام دي على اساس اني لازم اصوم عشان اتجوزت اتكسفت اقلها
لا مش صايمه كذبت و قلتلها اه منا صمت ايام بس بسبب العاده الشهريه مصمتش
الباقي قالتلي خلاص وكملت الجري ولقيت راجل بيبيع كبده اوقطع قلب كده كان
شكلها بيشهي قمت اشتريت قطعتين كبار وقلتلو يحطهم في نص رغيف وكان فيه ناس
بتشتري هي كمان فحبيت اشتري كمان قطعتين فاخدت الكبار قبل الناس التانيه
ماتخدهم وحطيتهم كمان في نص
رغيف تاني اخترته عشان هو الاكبر من باقي الرغيف واديت للبائع تلات
ورقات ولما وصلت للبيت حطيتهم في المطبخ لما جاه اخواتي يتعشوا كانوا
عايزين ياخدو الرغيف اللي اشتريتوا قلتلهم ده مش ليكم على اساس اني بستنى
جوزي عشان اكله معاه نص الرغيف ليه والنص التاني ليا وشفت والدتي راحت
لبيتها قمت اخدتلها العشا وصبيتلها الشاي وخلص الحلم
انا انسة 27 سنة لا اعمل
