السلام عليكم
أشكر ماما نجية على المجهود الرائع والمنتدى الجميل
أنا حلمت خير اللهم اجعله خير
أنى انا وبابا وخطيبى قبل ما يتقدملى اننا قاعدين فى مسجد ومكنتش لوحدى
وكان فى مأذون وناس كتير بتتجوز
ولما حد بيجوز بينادو على اسمه وبياخد قسيمة الزواج وكدا بيبقى اتجوز
وبابا هو اللى كان قاعد جمب المأذون وبينادى على الناس وكل الناس أخدت قسيمتها واللى مش بتاخد قسيمتها بتتحرق فى رقية كدا صغيرة كانت قدامهم
وبعدين نادو على اسم بس مسمعتش انه اسمى ومش عارفة اسم مين ومأخدتش بالى من الاسم راح بابا باصصلى وهو مدايق جدا وجه يحرق القسيمة وانا بقول فى بالى مين الهبلة اللى سابت قسيمة جوازها تتحرق دى يعنى على اساس ان اى بنت تتمنى تتجوز شخص بتحبه لقيت فجأة خطيبى كان قاعد ورايا وزعق جامد وقالى قومى هاتى القسيمة دى بتاعتنا قومى بسرعة قمت جريت وطفيت القسيمة من النار والغريبة ان بعد ما طفيتها ملقتش اى آثار حريق فيها
مع العلم ان بابا بيحب خطيبى جداً وهو وافق عليه بدون أى ضغط وانا سنى 24 سنة وخطيبى 27 سنة مسلمة الحمد لله
أتمنى التفسير ولكم جزيل الشكر والاحترام
