ازاى حضرتك يا ماما ربنا ينور ايامك ويريح قلبك وبفرحك باولادك يارب وتشوفى كل الخير فيهم ويريح قلوبهم ويرزقهم البنين والبنات - انا من يومين حلمت انى بفتح الثلاجة ولاقيت جاتوه كتير اوى واخدت قطعتين وبعدين ماما قالتلى انزلى روحى الفرن نزلت وقفت على فرن افرنجى ومش كان فى حد غيرى والفران كان بيطلع حجات من الفرن جاتوهات ووحجات تانية زى الشوريك كدة وبوريك بعجوة وانا واقفة بتفرج وبقول ياه انا اول مرة اشوف الحاجة دى وهى بتتخبز كدة واول مرة اشوف الجاتوة وهو طالع من الفرن كدة - وخلص الحلم وفى نفس الحلم - شفت اخو جوزى واخت جوزى قاعدين معى فى الانترية واختى جوزى بتقولى ياااه انتى نزلت شغل فى شركة كبيرة اوى اوى هى اسمها كحيل ولا الكحلاوى قلتها لا اسمها الكحلاوى وهى فعلا شركة كبيرة وبعدين قاموا مشيوا لكن وانا بوصلهم قلت لاختى جوزى شكرا انك اخيرا قررتى تطلعى وتتنازلى وتكلمنى وقلت لاخو جوزى وانت كمان شكرا انك مش خفت من امك وطلعت تسلم على بس خليكم عارفين انا مش ناوية اتكلم معاكم تانى لانى مش تحت امركم لما تحبوا تكلمونى تيجوا وانا بقولكم الكلام ده فى وشكم عشان مش تسمعوا من حد لانى هقولوا لكل الناس انى مش هتعامل معاكم تانى انا طيبة صحيح بس عند مبادىء ومش هغيرها - وهم سمعوا من الكلام وكانوا مستغربين اوى ونزلوا - وخلص الحلم - اخو جوزى متجوزوعلاقتنا به محدودة اوى واخت جوزى انسة ومش بتكلمنى عشان زعلانة انى مش بكلم امها واختها رغم انها عارفة انى مظلومة -بالنسة لاسم الشركة اللى فى الحلم انا مش اعرفها خالص وانا قاعدة من الشغل من خمس سنين ومفيش نية انى ارجع عشان ظروفى الصحية وعشان ولادى-
