السلام عليكم ورحمة الله وبركاته
ازى حضرتك يا امى الغالية
انا كنت مخطوبة واتفركشت من فترة حلمت من كام يوم بانى كنت ماشية مع اختى وبعدين هى بتقول ده عم رضوان عمل ارضية جديدة لمدخل البيت (انا كنت هتجوز فى البيت ده) مش هما كان السلم بتاعهم لونه غامق فقلت لها ايوه
وبعدين احنا كنا معديين على الشارع اللى فيه البيت فقلت لها تعالى يا مروة نشوف كده السيراميك ده شكله ايه وبعدين واحنا داخلين الشارع لقيت عم رضوان (اللى كان هيبقى حمايا) قاعد على كرسى وبيضحك لى وبيهز لى راسه زى ما يكون بيقولى اتفضلى (الراجل ده كان كويس معايا اوى وكان بيحبنى اوى وانا لسه لحد دلوقتى بعزه وبحبه وهو كان نفسه اكون معاهم والجوازة تمشى) وبعدين روحنا على باب البيت لقيتهم مركبين 3 صفوف سيراميك جديد لونه سكرى فقلت لمروة اختى ده سيرايمك المطبخ والحمام اللى انا كنت جايباه انت مش عارفاه
انا لسه متخطبتش تانى واختى لسه متخطبتش خالص
