السلام عليكم ورحمة الله وبركاته يا ست الكل :)
يارب تكوني بخير , معلش المرة دي عندي حلمين مرتطبين فهتعبك شوية .. ربنا يديكي الصحة ويزيدك من علمه
انا متزوجة وعندي بنت وحالتي الدينية عادية ونفسيتي عادية والحمدلله
الأول: حلمت اني وجوزي في بيت باباه ومامته ندهت عليا وبتقولي انا جايبالك أرنب هو فوق في الدور التاني وانا طلعت اجيبه لقيته مقابلني ع السلم بس كان فأر مش أرنب فأنا قولت الله يسامحك يا طنط وسيبته ومشيت وبعد ما نزلت قعدت تكلمني كلام مش مهم وكل لما اجي امشي الاقيها عمالة تتكلم وبعدين جوزي طلع الدور التاني عشان يتوضى ويروح يصلي العصر (ده بيحصل في الحقيقة) ولقيت طنط سابتني جيت امشي لقيت الفار بيعض في رجلي وقعدت أصرخ وانادي على محمد وهو نزل بس طلع يصلي وسابني.
الثاني: حلمت ان محمد جوزي بيوصلني لبيت بابا من شارع مختصر (بس الحلم كان ضلمة قوي اكتر من الحقيقة) وبعدين عدينا على بيت عارفاه في الحقيقة بس معرفش الناس اللي ساكنين فيه .. ولقيت ورا باب البيت كلبين كبار قوي ولونهم اسود وقعدوا يهوهو جامد وانا خفت بس فضلت ماشية وانا ببصلهم ..ولقيت طنط جت تجري من ورا ضهر محمد وفتحت الباب للكلاب وجريوا ناحيتنا ولقيت وراهم فارين كبار لونهم اسود جدا (لدرجة انهم كانوا بيلمعوا في الضلمة من كتر سوادهم) وانا عمالة اصرخ واقول شوفت يا محمد دي طنط اللي فتحتلهم الباب وهو باصص قدامه (كان ماسك ايدي) فلقيته مسكها جامد وانا قعدت اقول لنفسي طالما محمد معايا انا مش هخاف من حاجة.
معلش كمان مرة انا عارفة اني طولت عليكي ..ربنا يخليكي لينا ويباركلك في أولادك يارب
