موضوع: 23 اهل الزوج في الحلم الجمعة 14 أكتوبر - 21:45
ازيك يا ماما نجية الغالية دة حلم لامي هي حلمت ان زوجي ( مكتوب كتابنا بس ) جه عندنا البيت ( هو مسافر خارج مصر حاليا ) وكان لابس بدلة سودا شيك اوي وكان معاه امه واخواته البنات الاتنين وبعدين هو قال لامه انا هنزل اجيب احمد هاتي فلوس ( احمد دة اخويا وفي شوية مشاكل بيني وبينه ) فامه ادته 10 جنية وبعدين امي قالتلها لا عيب ازاي وكدة وادته 5 جنية و 5 جنية يعني 10 خمستين وبعدين انا كنت في البيت بس مشغولة عن اخواته فهما زعلة وكانو عوزين يمشو وبعدين ماما لاحظت فقالتلهم لا ميصحش تمشو وكدة ولقيتهم جيبين معاهم مكنستين كهرباء كل بنت مكنسة ولاحظت ان البنت الكبيرة جايبة مكنسة كبيرة والصغيرة مكنسة صغيرة فماما بتقولهم هي المكانس دي مستعملة ؟ لانها مكنتش في علبة قالولها لا دي جديدة بس وانتهى الحلم
البيانات : امي 48 سنة وعلاقتها بربنا كويسة الحمد لله انا 25 سنة ومكتوب كتابي وعلاقتي بربنا متوسطة
وخطيبي 26 سنة وعلاقته بربنا كويسة وهو مسافر
وام خطيبي 50 سنة وعلاقتها بربنا كويسة واخوات خطيبي واحدة 28 والتانية 22 والاتنين آنسات واحنا علاقتنا باهل خطيبي كويسة الحمد لله واخواته بيحبوني جدا الحمد لله
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: 23 اهل الزوج في الحلم السبت 15 أكتوبر - 1:27
حبيبتى ان شاء الله خطيبك سوف ياتى بالسلامة وهيتم زواجكم على خير وهيحاول التقريب بينك وبين اخوك وانت هتهتمى باخوته وطبعا هيحاولو ان ارضائك ولكن احزرى لانهم حساسين جدا والله يسعدك
