ازاى حضرتك يا ماما ربنا يديك الصحة يارب ويفرح قلبك باولادك يا حبيبتى - انا يا ماما حلمت انى داخلة البلكونة عندى عشان حسيت ان فى هواء وانا كنت ناشرة سجادة على سور البلكونة فدخلت اطمن عليها لحسن توقع لاقيتها موجودة وكمان لاقيت مفيش هوا ولاحاجة بس عدلتها وقلت انا هسندها بالكرسى عشان بردوا مش تقع لو قام هوا والسجادة دى كانت كبيرة ولونها ازرق فاتح - وخلص الحلم - وتانى يوم يا ماما حلمت بواحد معرفة ماما بيسلم على وانا بقوله ازيك انا شفتلك رؤية وانت فى المستشفى وقلت لجوزى يطمنك انك هتقوم بالسلامة راح قالى اه ماهو قالى متشكر اوى وانتى كمان وشك منور زى البدر راحت عينى دمعت وقلتله الحمدلله وانا كنت حاطة كحل فى عينى وشكلى حلو وهو كان حاطط على راسه من ورا شاش وهو بيسلم على قالى ده جوزك جوا فى المكتب من بدرى عنده شغل كتير اوى قلتله ربنا معه - وخلص الحلم - الواحد ده يا ماما كان عامل حادثة عربية فى رمضان ومازال فى المستشفى وانا فى رمضان كنت شفتله حلم انى روحت ازوره لاقيت مراته بتعيط وبتقولى ( عبده) مات وانا عيطت معها -
