ماما حبيبتى انا اسفة انى بتاقل عليكى كده بس انا عندى رؤيتين معلش
الرؤية الاولى خيييير ياااارب انى واقفة فى الشباك بتاع الصالون عندنا وكنت ببص منه وكانت الدنيا بتمطر وبعدين اذ فجأة لقيت سحابة بيضا جميييييييييييييييييلة ومحملة بقطرات المطر فوق دماغى او تحديدا فوق سريرى لان زى ما يكون كان سريرى فى الصالون وبعدين جه اخويا وقلتله شايف جمال السحابة وهى شايلة المطر جواها قالى فين قلتله اهى وروحت مادة ايدى ولمستها بحاجة حادة كده فى ايدى ونزلت منها زى مياه او تلج وكانت فوقى وكنت مبسوطة جداااا انى طايلاها بايدى ولقيت اخويا كمان مبسوط بيها والبمطر اللى حواليها من السما لان تقريبا دى السحابة اللى نزلتلى من السما وبعدين لستغليت فرصة ان الدنيا بتمطر وقعدت ادعى واقول ياااااااااارب نولنى اللى بتمناه يارب نولنلى اللى بالى وكنت اقصد بسيونى بس طبعا عشان اخويا كان جنبى اتكسفت ادعى بكده صراحة وبعد كده روحت فى مكان فى البيت ورجعت لقيت ماما قفلت شباك الصالون والمطر لسه شغال او كان قرب يخلص وقالتلى انا قفلته بس يا ايناس لان لو كان مفتوح اكتر من كده كان المطر هيدخل ويبوظ الدنيا فى البيت بسبب المياه الكتير لان كان بدا يبقى شديد عموما الدنيا قربت تخلص شتا اهو وانتهى المنام على كده بس كان جمييييييل بالذات السحابة العسل اللى كانت فى متناول ايدى دى
المنام الثانى انا دخلت الظهر اريح شوية وشوفت خيير ياااااااااااااارب انى زى ما يكون فى درس رياضة فى مدرسة وقاعدة بين اتنين زمايلى واحدة اسمها منى (منى دى بقالى كتيييييييييييير مشوفتهاش وكنت مصاحباها فترة اثناء المدرسة وافترقنا بسبب مشاكل وكانت هى شخصية صعبة شوية يعنى صحوبيتها كانت كلها مشاكل وبعدها اتعرفت على واحدة اسمها حسناء وفضلت صاحبتى من اعدادى لحد دلوقتى وهى اللى مستمرة معايا لانها طيبة جدااااااااا ووفية ومخلصة بس مش عارفة ايه اللى جابهم فى الحلم بالصورة دى خصوصا ان مش بفكر فى ايام المدرسة ولا ذكراياتها ومنى مش على ببالى خااااااااالص) المهم الناحية التانية كانت قاعدة حسناء وانا كنت قاعدة فى وسطهم وكان فيه مدرس بيديلنا رياضة زمان اسمه محمود العجمى كان قاعد بيشرح وانا مش بكتب وراه حاجة بس كانت منى وحسناء بيكتبوا فجيت اخد من منى الدرس عشان انقله لقيتها دارت بايدها فاستغربت جداااااااااااااااااااا وقلتلها ايه شغل العيال ده ليه كده ؟! قالتلى لا مش هتاخدى منى حاجة انا مش اكتب وانتى تاخدى على الجاهز فجيت اقول لحسناء عايزة الدرس قالتلى طبعا يا ايناس خديه ..الكشكول انا هديهولك فقولت كويس حسناء اللى طلعت جدعة عن منى دى ومشيت مع حسناء على اساس نروح وعلى الرغم ان كل واحد فينا ساكن فى مكان مختلف الا ان كان طريقنا واحد لانى كنت رايحة لخالى وكان قريب من بيتها و كنا واحنا ماشيين كان فيه ولاد بيحاولوا يهاجمونا بس انا كنت بصدهم وبضربهم جااااااامد وفعلا كانوا بيرجعوا عننا لانهم كانوا بيهاجموا حسناء بالذات وبعدين ركبنا بقى ميكروباص عشان نروح فهى ركبت قدامى وانا ركبت وراها على طول وانا اللى صممت ادفعلها الاجرة وكانت ربع جنيه وفعلا دفعتلها وانتهى الحلم انى قاعدة جنب حسناء وبوريها ابن منى (ادم ) (دى منى تانية دى بنت خالتى مش منى الاولانية ) وكان الولد جميييييييييل وهاااااااااااااااادى ومش بيعيط وكان سكون كده ولابس بلبطوظ ابيض جميل وكنت مبسوطة بيه اوى وكنت بوريه لحسناء وهى مبتسمة ومبسوطة ...خير يا جمييييل
