السلام عليكم ورحمة الله وبركاته
حلمت إنى نازلة فى فناء المدرسة اللى كنت فيها فى ثانوى تقريباً لكن فى الحلم كانت جاية على هيئة إنى نازلة من السجن اللى أنا محبوسة فيه اللى هيه الفصول يعتبر ونازلة بقى فى فناء المدرسة على إنه فناء السجن وزميلتى لقيتها واقفة فى المبنى اللى أنا نزلت منه فى الدور الأرضى عبارة عن فصول (فى الحقيقة) ومكان كأنه بالكونة بتطل على الفناء زى أى بيت أرضى كده يعنى فيه تراث وأنا طبعاً واقفة فى الفناء أو الحوش وبجوارها ناس وكأن كل واحد جاى يزور حد مسجون وأنا قلتلها أنتى جاية ليه ومشيت ومش رضيت أكلمها بس سمعتها وهيه بتقول أصل أختى ومش فاكرة قالت ايه بعد كده وكأنها بتقولى متزعليش وبعدين طلعت وأنا فى سجن لوحدى مش معايا حد ولقيت واحدة تقريبا بتفتح الباب وبتقولى ( يا .....) ليكى زيارة وبتقول لواحدة أدخلى دخلت عليه زميلتى وانا فى السجن مش فاكرة قالتلى ايه وأنا بطبيعتى طيبة وبنسى أى إساءة أو زعل ولقيتها بتعطينى ابنها وبتقولى امسكى ومسكته وكان قدامى طيور ووأنا ماسكة ابنها تقريباً كنت برمى أكل للطيور( زى حبوب ناشفة ذرة وحاجات شبه كده) ومش فاكرة هل المكان كان واسع علشان يكفى إنه تكون فيه طيورولا ايه ولا المكان اتغير مش فاكرة
حالتى النفسية مضايقة جدا جدا وبدعى ربنا يفك كربى ويرزقنى بما يحبه ويرضاه لأنى مضايقة من حاجات كتيرة منها تصرفات زميلتى دى معايا لأنها إتجوزت من كام شهر وأنا كنت معاها كويسة دايماً من وإحنا صغيرين وهيه كمان لكن أسلوبها بعد الزواج أو الخطوبة تحديداً أتغير معايا تماماً أول ما اتجوزت كانت بتتصل بى وكنا بنرن على بعض لكن بقالها فترة مش بترن وكان كلامها بيضايقنى فى حاجات كتيرة لما تتصل لأنها بتخبى حاجات كتيرة وأنا فى الأول كنت بعديها لكن بعد الزواج أضايقت منها من أسلوبها فى الكلام وما شاء الله حامل وكمان فى توأم أنا مش بحسدها بس أنا قلت فى توأم لأن فى الحلم أعطتنى طفل واحد طبعاً هيه مش قالتلى أنا عرفت من قريباتى وكمان تقريباً خلاص هتشتغل انا والله بدعيلها بالتوفيق بس مش عارفة ليه لما ربنا بيعطى نعم للناس بينسوا أقرب ناس ليهم ممكن تكون خايفة من الحسد بس مش أنا اللى بحسد أنا لوكنت بحسد مش كنت عملت معاها حاجات كتيرة ملهاش لازمة تتقال بس حقيقى الصديق الحقيقى هوه اللى بيقف بجوار صديقه وقت الفرح والشدة مش الشدة بس وأنا ربنا اللى يعلم كنت واقفة معاها فى الإتنين وبنية صافية أما هيه مش عارفة ليه بتعمل كده عموما ربنا يسهل لعبيده
حالتى الدينية الحمد لله ملتزمة
