قبل ماأنام كنت بدعى ربنا فى صلاة قيام الليل زى أى بنت ان ربنا يرزقها بالزوج الصالح
المهم نمت وحلمت انى ولدت بس ولدت ولد مش بنت وبعدين كنت مفكره نفسى ولدت واحد بس لقيت نفسى ولدت ولدين اتنين وكانت الولاده طبيعيه فكنا بنختار اسم للولدين دول فأنا قلتلهم هسمسهم ((نادر وكريم))
قالولى نادر ليه قلتلهم علشان لما كنت فى الجامعه كان معايا زميلى اسمه نادر وكان راجل جدا ومحترم وكان بيعتبرنى اخته ووقف جنبى لما كان فيه شباب بتعاكسنى فهو دافع عنى
انا هسمى نادر وكريم
فالكل كانوا مفكرنى ولدت ولد واحد فلما جه يوم السبوع دخلت على الناس بالولدين لقيت ناس مش اعرفهم بيتكلموا من تحت لتحت بس انا سامعه كلامهم
كأنهم بيحسدونى انى ولدت توأم مع ان دى اول ولاده ليا وعمالين يقولوا اول مره تولد وكمان توأم وولدين كمان والكل مستغرب جدا من الولدين دول حتى اهلىكمان ياماما نجيه
وكان والدى فرحان جدا ومش مصدق انى معايا توأم
وخلص الحلم على كده
ولما صحيت اصلى الفجر الحمد لله نمت بعدها وحلمت حلم مش فاكره فيه غير انى كنت ماشيه ولابسه اسود بردوا ودى تانى مره احلم انى لابسه اسود
حلمت انى ماشيه وكنت لابسه حاجه زى اللبس الخليجى ساتر جسمى كله بس كان لايق عليا جدا وانا عماله ابص لنفسى وعلى هدومى وانا فرحانه انى لابسه الهدوم دى رغم انها واسعه عليا بس لايقه عليا
